اسلام آباد ۔ 10 ستمبر (اے پی پی) مزن وزیر عمران خان مرچی پنچ شمبے ءِ روچ ءَ روشن ڈیجیٹل اکائونٹ ءِ بنگیج ءَ کنت انت۔ اے سٹیٹ بینک آف پاکستان ءِ نیمگ ءَ ملک ءَ کار کنوکیں کمرشل بینک آنی گوما سہرا کتگیں ٹوھیں گامگیج ات۔ روشن ڈیجیٹل اکائونٹس کروڑانی نان ریزیڈینٹ پاکستانی آناں فنڈ ٹرانسفرز، بل آنی دیگ ءُ پاکستان ءَ سرمایہ کاری ءِ ھوالگ ءَ چست ءُ ایر آنی ھوالگ ءَ نوکیں بینکنگ آسراتی پجاری کن انت۔ مزن وزیر میڈیا کارگس ءِ رد ءَ ملک ءِ راجدپتر ءَ اولی رنگ ءَ نان ریذیڈنٹ پاکستانی بینک برانچ، سفارتخانہ یا قونصلیٹ ءَ روگ ءَ ابید ڈیجیٹل ءُ آن لائن کار رپک ءِ اکائنٹ پچ بوت کناں۔ روشن ڈیجیٹل اکائونٹ پچ کنگ ءِ واستہ بنیاتی مالومداری ءُ مسل آنی ضلورت بیت ءُ ایشی ءِ واستہ ایوک ءَ 48 کلاک ءِ وھد ءَ لگ ایت۔ سبزکرائیبر وتی اکائونٹ آنی واستہ فارن کرنسی یا کلدار یا دوئیں آنی گچین ءَ کت کناں۔ اے اکائونٹس آنی تہ ءَ فنڈز سرجمیں رنگ ءَ واپس ٹرانسفر بوت کناں ءُ ایشی ءِ واستہ کجام ھم ریگولیٹری منظوری ءِ ضلورت نہ بیت۔
