پیسریگیں ڈی جی فیڈرل ایجوکیشن، ڈپٹی ڈائریکٹر فیڈرل ایجوکیشن ، پرنسپل ایف جی کالج ہوم اکنامکس ءَ چہ پسو لوٹ
اسلام آباد ۔ 10 ستمبر (اے پی پی) مزن وزیر کارگس ءَ مزن وزیر ڈلیوری یونٹ ءَ را پنت ءُ شون کتگ کہ اپسرگ آنی السی شکاست آنی گیواری ءَ کوتاہی ءِ درشان کنگ ءُ جوانیں کرد پیش نہ دارگ ءِ پد ءَ پیسریگیں ڈی جی فیڈرل ایجوکیشن ، ڈپٹی ڈائریکٹر فیڈرل ایجوکیشن ، پرنسپل ایف جی کالج ہوم اکنامکس ءَ چہ پسو لوٹ کتگ۔ مزن وزیر کارگس ءِ میڈیا سیل ءِ نیمگ ءَ جاڑٰ بوتگیں بیان ءِ رد ءَ سرکاری ادارگ آنی تہ ءَ السی شکاست آنی گیواری ءِ جیڈھ ءِ ھوالگ ءَ ادارگ آنی کار کرد ءِ پٹ ءُ پول جاڑی انت۔ بنجاھی وزارت وانگ ءُ زانگ ءِ کار کرد ءِ پٹ ءُ پول سرجم کنگ بوتگ۔ السی شکاست آنی گیواری ءِ پد ءَ کار کردی رپوٹ مزن وزیر ءَ را پیش کنگ بوت۔ رپوٹ ءِ رد ءَ 18 اپسرگ آنی ڈیش بوررڈز ءِ سر ءَ 542 شکاست آنی پٹ ءُ پول کنگ بوتگ۔ بورڈ آف انٹرمیڈیٹ اینڈ سیکنڈری ایجوکیشن ءِ کار کرد ءِ توسیپ کنگ بوتگ۔ مزن وزیر کارگس ءِ رد ءَ فیڈرل ڈائریکٹوریٹ آف ایجوکیشن ءِ کار کرد جوان نہ انت۔ پیسریگیں ڈی جی فیڈرل ایجوکیشن ءَ گوں جوانیں کار کرد پیش نہ دارگ ءِ ھوالگ ءَ پسو لوٹ کتگ۔ ڈپٹی ڈائریکٹر فیڈرل ایجوکیشن ، پرنسپل ایف جی کالج ہوم اکنامکس ءَ چہ پسو لوٹ کنگ بوتگ۔ مزن وزیر ڈلیوری یونٹ ءِ پنت ءُ شون ءِ رد ءَ اپسگ آں السی شکاست آنی گیواری ءَ کوتاہی ءِ درشان کتگ۔ اپسرگ السی شکاست آںی گیواری ءُ شہری آنی شکاست آنی پد ءَ زمہ واری ءِ درشان ءَ بکن انت۔
