اسلام آباد ۔ 9 ستمبر (اے پی پی) مزن وزیر عمران خزن ءَ گوشت کہ پاکستان ءَ سبسڈیز ءَ چہ ھما مردم سیت چست کنگ ءَ انت ھما کہ پیسر ءَ چہ زوراک انت، توان ءِ وڑ ءَ گیس ءِ شوبگ ءَ ھم چکروکیں وام ھم گیش بوھگ ءَ انت، درآمدی ءُ ملک ءِ اندر ءَ پیداک بوھوکیں گیس ءِ نیاد آنی تہ ءَ ٹوھیں پرک ءِ است، درآمدی گیس استیں نیاد آنی تہ ءَ پجاری بوت نہ کنت، آیکویں سردی ءَ ٹوھیں جیڈھ ءِ پیداک بوت کنت، گوستگیں 30 سال ءَ ملک ءَ را ھاٹیگ ءِ ضلورت ءَ را پیلو کنگ ءِ واستہ اچ منصوبگ بندی کنگ نہ بوتگ، گوستگیں وھد ءَ وھد ءِ سر ءَ پیسلہ نہ کنگ ءِ سبب ءَ مئے کارخانہ آنی سر ءَ بار گیش بوتگ، ملکی جیڈھ آنی گیواری ءِ واستہ باست ءُ واستہ کنگ لوٹ ایت۔ آئی ءَ اے ھیالانی درشانی چار شمبے ءِ روچ ءَ پٹرولیم ڈویژن ءِ چیر دستی ءَ بندوبست کتگیں گیس ءِ لوٹ ءُ رسگ ءِ ھوالگ ءَ “پاکستان ءَ گیس ءِ ارزانی ءَ پجاری، برجائی ءُ ءُ سیکورٹی ” ءِ بن گپ ءِ سر ءَ سیمینار ءَ گوں گشتانک دیان ءَ کت۔ مزن وزیر ءَ گوشت کہ سبسڈیز دیوک آنی مول ءُ مراد گریبیں الس ءِ واستہ آسانی پیداک کنگ بیت تانکہ ایشاناں آسراتی بہ رس ایت، دومی ھما دمگ ءِ واستہ سبسڈی دیگ بیت ھما کہ دیمروئی ءِ کشک ءَ پشت کپتگ انت تانکہ یک مردم ءِ آمدنی ءُ جی ڈی پی ءِ کساس ءِ تہ ءَ گیشی بہ بیت ءُ ما وام آں واپس بگر آں۔ آئی ءَ گوشت کہ بد بھتی ءَ پاکستان ءَ سبسڈیز ءَ چہ ھما مردم سیت مند بوھگ ءَ انت ھما کہ پیسر ءَ چہ زوراک انت۔
