اسلام آباد ۔ 9 ستمبر (اے پی پی) نیشنل کمانڈ اینڈ آپریشن سنٹر (این سی او سی) ءَ بلوچستان ءَ کوویڈ-19 ءِ ٹیسٹنگ ءُ رابطہ ءِ شوہاز کنگ آنی بابت ءَ چار ءُ تپاسی گرگ بوت ءُ صوبائی انتظامیہ ءَ را پنت ءُ شون کت کہ آ کورونا وائرس ءِ آماچیں مریز آنی ھوالگ ءَ سرپد بہ بنت، کوویڈ -19 ءِ مرز آں گوں رابطہ ءُ قرنطینہ ءِ ھوالگ ءَ استیں انتظامی آنی تہ ءَ گیشی بکنت۔ بنجاھی وزیر برائے منصوبگ بندی، دیمروئی کار ءُ ھاسیں گامگیج اسد عمر ءِ سروکی ءَ چار شمبے ءَ این سی او سی ءِ دیون ءَ ٹیمب این سی او سی ءِ وسیلگ ءَ بلوچستان ءِ تر ءُ تاب ءِ ھوالگ ءَ اپ ڈیٹ آنی بابت ءَ ھیال ریچی کنگ بوت۔ وزارت ءِ وانگ ءُ زانگ ءِ چیر دستی ءَ سکول آنی بابت ءَ السی جست آنی پسو ءُ اے ھوپ ءِ چارٹ آنی ھوالگ ءَ ھساب ءُ داد، ملک ءِ توک ءَ سفر کنوکیں مسافر آنی ھوالگ ءَ پالیشی ءُ پاس ٹریک ایپلیکیشن پورٹل ءِ سر ءَ ھم چار ءُ بچار کنگ بوت۔ فورم ءَ بلوچستان ءِ شہری ءُ کوچگی دمگ آنی تہ ءَ کورونا وائرس ٹیسٹنگ ءُ رابطہ آنی شوہاز کنگ ءِ ھوالگ ءَ ٹیمب ءِ تر ءُ تاب ءِ نتیجگ آنی بابت ءَ سرپد کنگ بوت۔
