اسلام آباد ۔ 9 ستمبر (اے پی پی) وزیر ءِ درئی کار مخدوم شاہ محمود قریشی چار شمبے ءِ روچ ءَ دو روچی سرکاری تر ءُ تاب ءِ ھاترا ماسکو ءَ روادگ بوت۔ وزیر ءِ درئی کار ماسکو ءَ شنگھائی کمکی گل ءِ وزیر ءِ درئی کار کونسل ءِ دیوان ءَ بھر زوری کنت۔ وزیر ءِ درئی کار ءَ ماسکو ءِ تر ءُ تاب ءُ شنگھائی کمکی گل ءِ وزیر ءِ درئی کار کونسل ءِ دیوان ءَ بھر زوری ءِ دعوت آئی ءِ روسی ھمکار سرگئی لیوروف ءَ داتگ۔ وزیر ءِ درئی کار کونسل، کونسل برائے حکومت آنی سروک ءُ کونسل برائے مملکت آنی سروک ءَ پد شنگھائی کمکی گل ءِ درستاں چہ مستریں فورم انت۔ شنگھائی کمکی گل ءِ وزیر وزیر ءِ درئی کار کونسل ءِ دیوان ءَ ارزشتیں ایں دمگی ءُ میاں اوستمانی کار آنی سر ءَ باست ءُ واست کنگ بیت۔ دیوان ءَ چہ پد یک وت مہ وتی منگ نامہ ءُ یکجائی جار ءِ ھم امیت انت۔ وزیر ءِ درئی کار اے موہ ءِ سر ءَ جتا جتائیں ملک آںی وزیر ءِ درئی کار ءِ گوما گند ءُ نند کنت انت ایشانی تہ ءَ دو نیمگی یکوئی آں ھوار وت مہ وتی واھگی کار آںی سر ءَ ھیال ریچی کنگ بیت۔
