اسلام آباد ۔ 9 ستمبر (اے پی پی) پاکستان ءِ جوڑیشتکار قائداعظم محمد علی جناح ءَ ملک ءَ را شرپ مند جوڑ کنگ ءِ واستہ ٹوھیں دیمروئی ءُ معاشی وژن داتگ، الس ءِ گہبود ءُ پاکستان ءَ را یک دیمروئی کنوکیں ملک ءِ جوڑ کنگ ءِ واستہ اے وژن بن ھشتی سنگ ءِ سہرا بیت۔ پاکستان ءِ جوڑیشتکار قائداعظم محمد علی جناح ءِ ویژن ءِ رد ءَ زندمان ءِ ھمک شوبگ ءَ دیمروئی دیگ ءُ پاکستان راج ءِ گہبود ءُ دیمروئی ءِ منصوبگ آنی بست ءُ بند ءُ سرجمی ءِ واستہ جھد ءُ کوشست ءَ آں۔ اے ھوالگ ءَ قائداعظم محمد علی جناح ءِ وژن ءِ ردءَ ھرچ پاکستان ءِ سلامتی ءُ رکھینگ ءُ ایشی ءِ تہ ءَ نندوکیں الس یا راج ءِ جوڑیشت ءُ دیمروئی ءَ گوں سیادی دار انت۔ بدبھتی ءَ چہ گوستگیں سروک آں وطن ءِ اے لیکہ ءَ را شموشتگ ءُ لیکہ آنی سرجمی ءَ را اچبر پد ءُ رند نہ کتگ ھمے سبب ءَ پاکستان ءُ ایشی ءِ تہ ءِ ننوکیں الس ءِ آزاتی، وت مستری ءُ جوڑیشت ءُ دیمروئی ءِ راز چیر تر اتگ۔ اے وژن گپ سہرا انت کہ قائداعظم ءِ درئیں دانک چاگرد ءِ گہبود ءُ مھکمیں ءُ جوڑیشت ءُ دیمروئی ءِ واستہ بے کساس المی انت۔ اے وژن ءِ پد ءُ رند ءَ ابید پاکستان اچ رنگ ءَ دیمروئی ءِ ٹوک ءُ واب سرجم بوت نہ کنت۔
