اسلام آباد۔ 08 ستمبر (اے پی پی) کورونا دین انا توننگ نا بارواٹی نیشنل کمانڈ اینڈ آپریشن سینٹر (این سی او سی) تعلیمی ادارہ غاتے دُوارہ ملنگ آن مست آئی ٹی بست وبند آتا جاچ ءِ ہلک۔ این سی او سی سے شنبے نادے آ انفارمیشن ٹیکنالوجی نا کنڈآن کروک آ ہمو گام گیج آتا جاچ ءِ ہلک ہرافتے ٹی اسکول آتا دُوارہ ملنگ آن مست دا دین انا تالانی نا بابت چاروکی کن سمارٹ ایپلی کیشن پین پین اوار ءُ۔ فورم ءِ وزارت انفارمیشن ٹیکنالوجی و نیشنل انفارمیشن ٹیکنالوجی بورڈ(این آئی ٹی بی) نا کمک اٹ تیار کروک ایپلی کیشن نا حالیت آتا بارواٹ سرجمی اٹ پاننگا۔ فورم ءِ پاننگاکہ دا ایپلی کیشن ءِ 12 ستمبر آن مست تیار کننگک ہراٹی مچ آ ملک انا غٹ تعلیمی ادارہ غاتا حساب وکتاب ءِ مربوط کننگ نا خاصیت ہم ساڑی مریک۔ فورم دینی چارٹ و قومی سسیروپرپویلینس سروے نا ہم جاچ ءِ ہلک۔
