اِراسال اٹی ضلع ٹی شونداری کاریم تا جال اس تالان کرینن، پین مسہ سال اٹی غٹ ویل آتے ایسر کینہ، عمرایوب خان

ہری پور۔ 08 ستمبر (اے پی پی) بنجائی وزیر توانائی، پٹرولیم و قدرتی وسیلہ عمر ایوب خان پارینے کہ بیرہ اِراسال اٹی ہری پور اٹی شونداری کاریم تا جال اس تالان کننگانے، پین مسہ سال اٹی اسٹ اسٹ کرسا غٹ ویل آتے ایسر کننگک۔ او دوشنبے نادے آ حطار اٹی چندی شونداری اسکیم تا بناءِ کننگ و پڑو آن پد جلسہ غان تران کریکہ۔ داکان مست راہشون تحریک انصاف مسکوہی صوبائی وزیر یوسف ایوب خان، باسک صوبائی اسمبلی ارشد ایوب خان و ایلوفک ہم تران کریر۔ عمرایوب خان پارے کہ حطارکن اسہ کروڑ 20 لکھ روپئی نا خڑچ آن بجلی نا پین گڑاہم بسنے، سوئی گیس نا مد اٹ اِراکروڑ 60 لکھ روپئی نا خڑچ آن پیپ لین شاغنگ نا کاریم پورو مسنے، پین 2 کروڑ روپئی نا منظوری ءِ ہلکونن ہراڑآن ایب وکیب انا علاقہ غاتیٹی گیس فراوانی نا کاریم نا بناءِ کننگک۔ اوپارے کہ بجلی نا پوسکن آ فیڈر و گریڈ اسٹیشن نا تنصیب آن پد بروک آ ہشتاد ءُ ہفت سال اکن کم وولٹیج و ایلو ویل آک ایسر مریرہ۔ داسکان حکومت نا مسہ سال سلوک ءُ، انشاء اللہ میدانی آ علاقہ غاتیٹی بجلی و گیس انا ہچ ءُ پین ویل اس سلپک۔ صوبائی وزیر اکبر ایوب خان، چیئرمین ڈیڈک ارشد ایوب خان و راہشون تحریک انصاف یوسف ایوب کان و او بحیثیت بنجائی وزیر اسہ گچین ءُ ٹیم اسے ٹی ہری پور نا ویل آتا ایسری کن دے و نن خواری کننگ ءِ۔ اوہری پور اٹ برجاشونداری اسکیم تا ذکر ءِ کرسا پارے کہ دا اسکیم تا پوروی آن الس نا زند انا آب بڑزمریک۔