اسپیکر قومی اسمبلی اسد قیصر تون آذربائیجان نا سفیر علی علیزادہ نا اوڑدہی

آذربائیجان کشمیر نا ویل آ پاکستان نا موقف نا پبی مخ تفی ءِ کیک، سفیر علی علیزادہ
اسلام آباد۔ 08 ستمبر (اے پی پی) اسپیکر قومی اسمبلی اسد قیصر تون سے شنبے نادے آ پاکستان اٹی آذربائیجان نا سفیر علی علیزادہ اوڑدہی کرے ہراٹی ہڑتوم آ کنڈآتا تعلقداری تون اوار ڈیہہ نا جم حالیت و تین پہ تینی است خواہی نا ایلو باندات آتیا گپ وتران کننگا۔ اسپیکر پارے کہ پاکستان و آذربائیجان نا نیام اٹ پائیدار سفارتی تعلقداری ءِ۔ پاکستان آذربائیجان تون تعلقداری تے پین سوگو کننگ نا خواہندار ءِ۔ ہڑتوم آ ملک آتا نیام اٹ نئے بیرہ دودوربیدہ ئی، مذہبی و جغرافیائی مماثلت ءِ بلکن علاقائی و جہانی باندات آتیا اسہ وڑموقف تخرہ۔ پاکستان و آذربائیجان نا نیام اٹ زرگزرانی تعلقداری تے پین سوگو کننگ نا بھلو وارخواہی اس ارے۔ قومی اسمبلی ٹی جوڑپاک۔ آذربائیجان پارلیمانی سنگتی پڑک پارلیمانی رابطہ غاتیٹی ودکی کن جوان ءُ فورم اس پک مننگ کیک۔ کشمیر نا ویل انا کشمیری الس نا است خواہی تا رداٹ ایسری ڈیہہ ٹی پائیدار امن کن المی ءِ، اسپیکر قومی اسمبلی پارے کہ بھارتی آئین آن آرٹیکلز 370 و 35 الف نا غیر کانودی منسوخی ریاست نا آبادیاتی پنجر ءِ بدل کننگ نا ناپاک سازش ءِ۔ داآرٹیکل آتا منسوخی نا فیصلہ غان پد مظلوم کشمیری الس آ اسہ منظم کریک ڈاؤن کننگا۔ تدوک آ اسہ سال آن زیات وخت آن مقبوضہ کشمیر اٹی برجاگھیڑ آن مقبوضہ دامان اٹ زند بھاز بے وڑ زہمی مسنے، ناگورنوکاراباخ نا جھیڑہ نا ایسری ءِ خواہک۔ چین، پاکستان اقتصادی راہداری(سی پیک) ڈٹ ڈیہہ ٹی شونداری و شونہالی کن مزل نا نشان مریک۔ سی پیک ڈٹ انا پوروی آن ڈیہہ ٹی اقتصادی سرجزآتیٹی ودکی مریک و شونداری و شونہالی نا پوسکن آ دور بناکیک۔ پاکستان و آذربائیجان نا نیام اٹ واپار و ایلو اقتصادی بشخ آتیٹی کمکاری نا بھلو وارخواہی اس ساڑی ءِ۔ اسلام آباد اٹی جوڑ آذربائیجان نا مشن ہڑتوم آ ملک آتیٹی واپاری کچ اٹ ودکی ٹی کمکار پک مننگ کیک۔ ای سی او ملک آتا پارلیمانی تنظیم ءِ فعال کرسا ای سی او ملک آتیٹی چندی بشخ آتیٹی کمکاری ءِ مون آ دننگ مریک۔ آذربائیجان نا سفیر پارے کہ آذربائیجان پاکستان تون تینا دوستانہ، برادرانہ تعلقداری تے اہمیت ایتک۔ ہڑتوم آ ملک آتا نیام اٹ دیرینہ تعلقداری وخت اتون اوار اوار پین سوگو مننگ ءِ۔ آذربائیجان کشمیر نا ویل آ پاکستان نا موقف نا پبی مخ تفی ءِ کیک و کشمیری الس تون سلوک ءِ۔ آذربائیجان پاکستان تون ہڑتوم آ کنڈآتا واپار اٹی ودکی آن بیدس زرگزرانی و دودوربیدہ ئی تعلقداری تے سوگو کننگ خواہک۔ سی پیک نا آپریشنل مننگ و ودوک آ علاقائی رابطہ غاتیان ہڑتوم آ ملک آتے غٹ بشخ آتیٹی کمکاری ءِ وارخواہی ملک۔ آذربائیجان نا سفیر ہڑتوم آ ملک آتا کانود ساز ادارہ غاتا نیام اٹ کمکاری ءِ ودفنگ نا سلاہ غان امنا کرے۔ آذربائیجان نا سفیر ہڑتوم آ ملک آتیٹی پارلیمانی رابطہ غاتے مون آ دننگ کن ہڑتوم آ ملک آتا اسپیکر آتا ویڈیو لنک انا کمک اٹ میٹنگ نا سلاہ آن ہم امنا کرے اوڑدہی ٹی ہڑتوم آ کنڈآن کشت وکشار، واپار نا پارلیمانی کمیٹی تیٹی رابطہ و توانائی نا بشخ اٹ کمکاری ءِ مون آ دننگ آ ہم امنا کننگا۔