آپریشن سومناک’65 نا جنگ اٹی بھارت نا شکست نا ارٹمیکو پن ءِ، پاک بحریہ ’’دوارکا ریڈار اسٹیشن‘‘ ءِ بھس کرسا دشمنءِ اونا تینا دیر تیٹی شکست تسوسس، ترجمان بحریہ

اسلام آباد۔ 08 ستمبر (اے پی پی) ’’آپریشن سومناک ’65 نا جنگ اٹی بھارت نا شکست نا ارٹ میکو پن‘‘ ءِ ، بھارتی ایئر فورس نا جلہو تے غیر موثر کننگ کن ’’دوارکا ریڈار اسٹیشن‘‘ ءِ بھس کننگ بے کچ المی ئس۔ ترجمان پاک بحریہ نا رداٹ بھارتی بحریہ ءِ ہاربر آن پیش تمنگ آ بیوس کننگ المی ئس تانکہ او پاک بحریہ نا آبدوزغازی نا شست مننگ کے۔ آپریشن اٹی ہروڑنا مواصلاتی رابطہ غاتا پورو پابندی آپریشن ءِ پین سخت کریسس۔ آپریشن اٹی جہاز آتا راہشونی ءِ بیرہ کنڈآتا کمک اٹ کننگاکہ۔ نن نیمہ غا غٹ جہاز آک دوارکا نا کرک انا خڑک آ بسوسر۔ دُوانزدہ بجہ ءُ بیست ءُ شش منٹ آ فائر نا پرمان ملا و جہاز آتا توپ آتیان خاخر پیش تما۔ وار وارنا جلہو آتیان ریڈار اسٹیشن عملہ تون اوار پورو وڑاٹ بھس مسوسس۔ ریڈار اسٹیشن نا بھس کاری آن بھارتی فضائی جلہو یک لخت چٹا۔ پاک بحریہ نا فاتح بحری بیڑہ دشمن ءِ اونا تینا دیرتیٹی شکست فاش تسوسس۔