کل جماعتی حریت کانفرنس نا اقوام متحدہ نا مبصر مشن انڈیا، پاکستان نا اسلام آباد آفس اٹ سیکرٹری جنرل نا پن جمع کرفوک آ یات داشت اٹی خواست

اسلام آباد۔ 08 ستمبر (اے پی پی) کل جماعتی حریت کانفرنس اقوام متحدہ نا سیکرٹری جنرل انتونیوگوتریس آن خواست کرینے کہ او لین آف کنٹرول آ کودک شاری تا برخلاف بھلو سلہہ سے نا کاریم اٹ اتنگ، جموں و کشمیر نا جھیڑہ ءِ اقوام متحدہ نا سلامتی کونسل نا ایجنڈاغان کشنگ نا گمراہ کن پروپیگنڈا و کورونا نا آڑاٹ مقبوضہ کشمیر اٹی ورناتے بے گواہ کرسا بیدادی نا شست کننگ و جعلی پولیس مقابلہ غاتا نوٹس ءِ ہلے۔ سے شنبے نادے آ اقوام متحدہ نا مبصر مشن انڈیا، پاکستان نا اسلام آباد آفس اٹ سیکرٹری جنرل نا پن یات داشت جمع کرفنگا۔ ہراٹی مقبوضہ کشمیر اٹ صحافت ءِ اسہ ڈوہ اسے نا وڑاٹ ہلنگ و صحافی تے اوفتا کاریم نا بنداو آ زندان تیٹی شاغنگ، سوشل میڈیا غا سلاہ تننگ آ دزگیری تیا گڑتی نا درشانی ءِ کننگانے۔ یات داشت اٹی خواست کننگانے کہ کل جماعتی حریت کانفرنس نا سرکڑدہ ہرافتے اُراتیٹی نظر بند یا جیل آتیٹی تخنگانے، اوفتے دمدستی وڑاٹ یلہ کننگے۔ سیکرٹری جنرل آن خواست کننگانے کہ بھارتی غیر کانودی زیر کوزہ کشمیر اٹی انسانی حق انا خلاف ورزی تا چھان بین اکن اقوام متحدہ نا خصوصی نمائندہ مقرر کننگے وخت اس کہ مقبوضہ کشمیر اٹی انسانی حق نا حالیت آتا جاچ ءِ ہلنگ کن فیکٹ فائنڈنگ مشن ءِ گدریفنگے۔ کشمیر نا ویل انا کشمیری الس نا است خواہی و اقوام متحدہ نا قرارداد آتا رداٹ ایسری اس کشنگے۔ یات داشت اٹی پاننگانے کہ بھارت ءِ پاننگے کہ او جموں کشمیر اٹی انسانی حق انا بھلا خلاف ورزی تے تورے۔