اسلام آباد ۔ 7 ستمبر (اے پی پی) بحری کارانی بنجاہی وزیر علی زیدی ءَ گشتگ کہ سرکاری مالءُ مڈی آنی لیلام کنگ ءَ چہ حکومت ءَ را وتی وامانی دیئگ ارزان بیت۔ اسلام آباد ءِ ہندی ہوٹل ءَ حکومت مال ءُ مڈی ءِ لیلامی ءِ مراگش ءَ گوں تران کتگ ءُ علی زیدی ءَ گشتگ کہ حکومت ءِ کار بیپار کنگ نااِنت بلکیں بزنس فرینڈلی چاگرد ہم دیئگ اِنت، حکومت ءِ 10 ءَ چہ 15 درسد سرکاری ادارگ پائدگ دیئگ ءَ اَنت آ دگہ دُرس ننصان ءِ آماچ اَنت۔ پاکستان پبلک یکسٹر ءِ بینک آنی جاورھال پیسر دگہ وڑ بوتگ بلے نوکیں انتظامیہ ءِ سوب ءَ آ نوں پائدگ دیئگ ءَ اَنت۔ علی زیدی ءَ گشتگ کہ پی ایس ڈی پی بجٹ گیش وام ءِ بنیات ءَ دیئگ بوہگ ءَ اِنت، ہرچ دیمروئی کار وام زورگ ءُ کنگ بوہگ ءَ اَنت۔ آئی ءَگشتگ کہ مزن وزیر عمران خان ءِ سروکی ءَ ملکی گہتری ءِ ھاترءَکار بوہگ ءَاِنت۔ اکانومی رہادگ اِنت۔ آئی ءَگشتگ کہ سرکاری مالءُ مڈی ءِ لیلامی ءَ چہ حکومت ءَ را وتی وامانی دیئگ ءَ ارزانی بیت۔ آئی ءَ گشتگ کہ پی ایس ڈی پی بجٹ گیش وامانی بنیات ءَ جوڑ کنگ بوہگ ءَاِنت۔ آئی ءَ گشتگ کہ زِرءِکنارگ ءَ 4 ہزار ایکڑ رقبہ ءِسرءَ 50 سال ءَ چہ ایف بی آر ءُ کراچی پورٹ ٹرسٹ ءِ نیام ءَ جنگ ءُ جُڈ بوہگ ءَ اِنت، ادارگانی اے مِڑءُجنگ ہلاس کنگ لوٹ ایت۔ آئی ءَ گشتگ کہ ادارگانی گہتری ءِ ھاترءَ گامگیج کنگ بوہگ ءَ اَنت آ تنا یکے ءِھاترءَ نااَنت بلکیں ملک ءِ ھاتر ءَانت چیا کہ مرچی من بحری وزارت ءِ وزیر اَں باندا دگہ کسے بیت۔ آئی ءَ گشتگ کہ وزارت آنی مال ءُ مڈی ءِ ہوالگ ءَ کابینہ ءِ پنت ءُ شونانی پدءَ درسیں کار کنگ بوہگ ءَاَنت۔
