اسلام آباد ۔ 7 ستمبر (اے پی پی) ملک مستر ڈاکٹر عارف علوی ءَگشتگ کہ پاکستان اوگانستان ءَ امنءُ ایمنی ءُ محکمی ءِ گیش کنگ ءِ ھاترءَ کوشست کنگ ءَ اِنت، امنءُایمنی ءُ محکمی نا تنا اوگانستان بلکیں دوئیں ہمسائگیں ملک ءُ سرجمیں خطہ ءِ ھاترءَ فائدگ مند اِنت۔ اے ھیالانی درشانی آئی ءَ دوشمبے ءِ روچ ءَ اوگانستانءَ پاکستان ءِ نامینتگیں سفیر منصور احمد خان ءَ گوں گندءُنند ءِوہدءَ کتگ۔ ملک مستر ڈاکٹر عارف علوی ءَ گشتگ کہ پاکستان گوں اوگانستان ءَ وتی سیادی ءَ را باز ارزشت دنت ءُ اوگانستان ءَ امنءُ ایمنی ءُ معاشی دیمروئی ءِ لوٹوک اِنت۔ آئی ءَ گشتگ کہ پاکستان ءُ اوگانستان یکجائی دود ءُ ربیدگ ءُ یکیں مذہب ءِ منوک اَنت ءُ دوئیں ملک آنی نیام ءَ سیادی ءَ را گیش کنگ ءِ ضلورت اِنت۔ ملک مستر عارف علوی ءَنامیتگیں سفیر ءِ سرءَ زورپِر داتگ کہ آ دوئیں ہمساہگیں ملک آنی نیام ءَ اقتصادی، سیاسی ءُاُلسی نزیکی ءَرا محکم کنگ ءِ ھاترءَ کار بہ کنت ۔
