اسلام آباد ۔ 7 ستمبر (اے پی پی) مزن وزیر عمران خان ءَ گوں آسٹریلیا ءِ فورٹسکیو میٹلز گروپ لمیٹڈ ءِ چیئرمین اینڈریوفورسٹ ءَ دوشمبے ءِ روچءَ گندءُ نند کتگ۔ مزن وزیر ءِ بیپاری ءِ صلہ کار عبدالرزاق داؤد ءُ زرکاری بورڈ ءِ چیئرمین عاطف آر بخاری ہم گندءُنند ءَ ساڑی بوتگ۔ مزن وزیر میڈٰیا کارگس ءِ ردءَ مزن وزیر عمران خان ءَ اینڈریو فورسٹ ءَ را وش اَتک کتگءُ آئی ءَ را کورونا ہوپ ءَ ملک ءِ اقتصادی بحالی ءُ انوگیں حکومت ءِ زرکار دوستیں پالیسی آنی ہوالگ ءَ سرپد کتگ۔ آئی ءَ سمارٹ لاک ڈاؤنز ءِ وسیلگ ءَ کورونا ءِ ہوپ ءَ را دارگ ءِ حکومتی گامگیج ءُ حساس پروگرام ءِ وسیلگ ءَ کروڑاں نیزگاریں مردمانی کمک ءِ ہوالگ ءَ سرپد کتگ۔ اے ہوالگ ءَ اینڈریو فورسٹ ءَ حکومت پاکستان ءِنیمگ ءَ چہ کورونا وائرس ءِ ہوپ ءَ را گرءُدار کنگ ءِ ھاترءَ کتگیں گامیگج ساڑاتگ اَنت۔ آئی ءَ نے فورٹسکیو میٹلز گروپ لمیٹڈ ءِ نیمگ ءَ چہ قابل تجدید توانائی ءُ گرین انڈسٹری ءِ تہ ءَ زرکاری کنگ ءَ ہدوکی ءِ درشانی کتگ۔ آئی ءَ اُمیت ءِ درشای کتگ کہ فورٹسکیو میٹلز گروپ لمیٹڈ ءِ زرکاری ءَ چہ ہندی آباتی ءِ ھاترءَ روزگاری ءِ موہ ودی بنت ءُ ملکی صنعت آنی ھاترءَ جدید ٹیکنالوجی دیما آرگ ءَ کمک رسیت۔ مزن وزیر عمران خان ءَ فورٹسکیو میٹلز گروپ ءِ نیمگ ءَچہ پاکستان ءَ زرکاری کنگ ءَ را ساڑاتگ ءُ اوست داتگ کہ پاکستان ءَ بیپاری منصوبہ بندات کنگ ءِہوالگ ءَ آیاں آسراتی دیئگ بیت۔
