اسلام آباد ۔ 7 ستمبر (اے پی پی) پاکستان تحریک انصاف ءِ سول ءُ ترانی کمیٹی برائے پارلیمنٹیرینز ءِ دومی دیوان دو شمبے ءَ چیئرمین کمیٹی وزیر ءِ درئی کار مخدوم شاہ محمود قریشی ءِ سروکی ءَ برجم دارگ بوت۔ بنجاھی وزیر وانگ ءُ زانگ شفقت محمود، وزیر برائے کشمیر ءِ کار علی امین گنڈا پور، ڈپٹی اسپیکر راجی اسمبلی قاسم خان سوری ءُ تحریک انصاف ءِ کلانہ ایں بنجاھی نائب صدر ارشد داسد ءَ دیوان ءَ بھر زوری کت۔ تحریک انصاف ءِ کمیٹی برائے پارلیمنٹیرینز ءِ برجائی ءِ مول ءُ مراد پارٹی ءِ ڈسپلین ءَ را برجا کنان ءَ باسک آنی شکاست آناں وھد ءِ سر ءَ گیوار کنگ ءُ پارٹی ءِ سیم سر آنی در جنگ ءِ واستہ وت مہ وتی یکوئی آناں دل یکیمی جوڑ کنگ ھوار انت۔ دیوان ءِ ساھت ءَ پارلیمان ءُ گل ءِ سروک آنی نیام ءَ رابطہ آناں گیش مھکم کنگ ءِ واستہ جتا جتائیں شور ءُ مشور ءُ باست ءُ واست کنگ بوت۔
