اسلام آباد ۔ 7 ستمبر (اے پی پی) مزن وزیر ءِ ھاسیں کمکار برائے چاگردی رکھینگ ءُ گریبی ءِ ھلاس کنوک ڈاکٹر ثانیہ نشتر ءَ گوشت کہ وانگ ءُ زانگی سال 2020-21 ءِ واستہ احساس انڈر گریجویٹ سکالرشپ آن لائن پورٹل پچ کنگ بوتگ، ملک ءِ 119 پبلک سیکٹر یونیورسٹی آنی تہ ءَ انڈر گریجویٹ پروگرام آنی تہ ءَ وانگ ءُ زانگ ءِ در جنوکیں نودربر آناں سکالرشپ ءِ واستہ دزبندی دات کناں، ھما نودربر آنی ھاندان ءِ انکم 45,000 کلدار ءَ چہ کم انت احساس سکالرشپ ءِ واستہ دزبندی دات کناں۔ نودربر آن لائن پورٹل https://ehsas.hec.gov.pk ءِ وسیلگ ءَ دزبندی آں جم کت کناں۔ سکالرشپ دزبندی آناں سیادی داروکیں یونیورسٹی آنی نام درج کنگ المی انت۔ وانگ ءُ زانگی سال 2019-20 ءَ ھواریں رنگ ءَ 4.827 ارب کلدار ءِ انڈر گریجویٹ سکالرشپ نودربر آناں بھر ءُ بانگ کنگ بوتگ۔ مزن وزیر عمران خان ءَ 4 نومبر 2019 ءَ ”احساس سکالرشپس پروگرام“ یک شل ءَ بنگیج کتگ بوتگ۔ اے پروگرام ءِ چیر دستی ءَ ھمک سال کم کٹ کنوکیں گس آنی نودربر کساس 50,000 انڈر گریجویٹ نودربر آناں وظیفہ دیگ بیت۔
