اسلام آباد ۔ 7 ستمبر (اے پی پی) نیشنل کمانڈ اینڈ آپریشن سنٹر (این سی او سی) ءَ سرجمیں ملک ءَ کورونا ھوپ ءِ سبب ءَ بندیں وانگ ءُ زانگی ادارگ آناں بھر بھر آنی تہ ءَ پچ کنگ ءِ پیسلہ کتگ۔ دو شمبے ءَ بنجاھی وزیر برائے منصوبگ بندی، دیمروئی ءُ ھاسیں گامگیج اسد عمر ءِ سروکی ءَ این سی او سی ءِ دیوان ءَ وانگ ءُ زانگی ادارگ آنی پچ کنگ ءُ ھوپ ءِ ھساب ءُ داد ءِ ڈیٹا ءِ بابت ءَ ھیال ریچی کنگ بوت۔ فورم ءَ جتا جتائیں بھر آنی تہ ءَ وانگ ءُ زانگ ءِ پچ کنگ ءِ جزم کت چیا کہ اولی بھر ءَ 15 ستمبر ءَ نھمی تبک ءَ چہ نونیورسٹی ءَ تاں سکول پچ کنگ بنت۔ دومی بھر ءَ مڈل درجگ ءُ ایشی ءِ بروبری ءِ تبک 23 ستمبر ءَ پچ کنگ بنت۔ سمی بھر ءَ پرائمری سکول 30 ستمبر ءَ پچ کنگ بنت۔ فورم ءَ را گوشگ بوت کہ سکول آناں پچ کنگ ءِ ھوالگ ءَ ایس او پیز پیسر ءَ چہ سکول آنی گوما شیئر کنگ بوتگ انت وھدیکہ ایشی ءِ پد ءُ رند ءِ واستہ وانگ ءُ زانگی ادارگ آنی انتظامیہ زمہ وار بنت۔ گیش ایس او پیز آنی پد ءُ رند ءِ واستہ پت ءُ مات آناں وانگ ءُ زانگ ءُ سروکی ءِ واستہ ھاسیں ایس ایم ایس الرٹس ءُ سرجمیں میڈیا سرپدی گامگیج چلائینگ بوھگ ءَ انت۔
