بلاول بھٹو ءُ سندھ حکومت کراچی پیکیج ءِ ھوالگ ءَ راستی آناں تاب ءُ ریس کنان ءَ پیش کنگ ءَ انت، کراچی پیکیج ءِ چیر دستی ءَ توامیں منصوبگ آنی سروکی ءَ بنجاھی حکومت کنت انت، 611 ارب بنجاھ ادا کنگ وھدیکہ ایندگر فنڈز صوبائی حکومت آنی زمہ انت، مسلم لیگ ن ءِ سروک نیب ءِ دیم ءَ آپ ءَ کپتگیں پیشی ءِ وڑا بنت ءُ ڈن ءَ در کپاں گڈا کُپ کُپ کناں ءُ دروگ بنداں ءُ الس ءَ را گمراہ ءُ کوراسیں کشک ءِ رھادگ بوھگ ءِ گوشاں، بنجاھی وزیر اھوالکاری ءُ شنگ کاری سینیٹر شبلی فراز ءِ پریس کانفرنس ءَ گوں گشتانک
اسلام آباد ۔ 7 ستمبر (اے پی پی) بنجاھی وزیر اھوالکاری ءُ شنگ کار سینیٹر شبلی فراز ءَ گوشت کہ بلاول بھٹو ءُ سندھ حکومت کراچی پیکیج ءِ ھوالگ ءَ راستی آناں تاب ءُ ریس کنان ءَ پیش کنگ ءَ انت، کراچی پیکیج ءِ چیر دستی ءَ توامیں منصوبگ آنی سروکی ءَ بنجاھی حکومت کنت انت، 611 ارب بنجاھ ادا کنگ وھدیکہ ایندگر فنڈز صوبائی حکومت آنی زمہ انت، مسلم لیگ ن ءِ سروک نیب ءِ دیم ءَ آپ ءَ کپتگیں پیشی ءِ وڑا بنت ءُ ڈن ءَ در کپاں گڈا کُپ کُپ کناں ءُ دروگ بنداں ءُ الس ءَ را گمراہ ءُ کوراسیں کشک ءِ رھادگ بوھگ ءِ گوشاں، وتی اکائنٹس آناں پُر کنوک الس ءَ وتی ووٹ ءِ ھاٹیگ ءَ چہ رد کتگ، راجدپتر ءِ اولی رنگ ءَ بنجاھی حکومت ءَ انچیں صوبگ آھودا آئی ءِ حکومت نہ انت آوانی دیمروئی ءُ وشھالی ءِ واستہ واھشت داران ءَ منصوبگ آناں سرجم کنگ ءَ رھادگ انت۔ ایف اے ٹی ایف ءِ ھوالگ ءَ کانود جوڑ کنگ ءَ ھما مردم پریشان انت کہ آواں پاکستان ءَ منی لانڈرنگ ءِ بنیات ایر کتگ، ھمے مردم آنی سبب ءَ پاکستان ءَ را ایف اے ٹی ایف ءِ لڑ ءِ تہ ءَ ھوار کنگ بوتگ، پارلیمنٹ ءَ ملکی سیت ءِ ھلاپ ءَ لیکہ ءِ درشان کنوک دژمن آنی کمکار سما کنگ بنت چیا کہ بھارت ءَ پاکستان ءَ را ایف اے ٹی ایف ءِ لیک لسٹ ءِ تہ ءَ ھوار کنگ ءِ کوشست چارتگ ءُ دیستگ، این آر او ءِ ھاسیں رنگ ءِ نہ بیت بلکینگ ءَ انچیں ریلیف بنت ایشی ءَ چہ ھما بامرد آناں کانود ءَ چہ برزتر پھمگ بیت، اپوزیشن ءَ را این آر او دیگ ءَ چہ گہتر انت کہ سرجمیں ملک ءِ جیل آناں پچ کنگ بیت ءُ کسانیں جرم کتگیں کیزی آناں انچو آزات کنگ بیت ھمے رنگ ءَ آزاتی اپوزیشن لوٹگ ءَ انت ۔ آ دو شمبے ءَ پی آئی ڈی ءَ پریس کانفرنس ءَ گوں گشتانک دیان ءَ تران کنت ءَ ات۔
