اسلام آباد۔ 07 ستمبر (اے پی پی) پاک فضائیہ 7 ستمبر ءِ شہید آتا دے انا وڑاٹ اڈ تس، سروک پاک فضائیہ ایئر چیف مارشل مجاہد انور خان، ایئر ہیڈ کوارٹر اسلام آباد اٹی اڈ ہلوک آ مرکزی دود انا مہمان خاص ئس۔ ترجمان پاک فضائیہ نا رداٹ سروک پاک فضائیہ ایئر ہیڈ کوارٹراٹی شہید آتا یات گار آ پھل آتا چادر شاغا و دعاپاتیا کرے۔ سروک پاک فضائیہ دا غٹ ہیروتے خراج تحسین پیش کرے ہرادشمن نا جارحیت نا برخلاف سوگو ءُ دیوال اس جوڑ مسر۔ پاک فضائیہ نا سروک پارے کہ پاکستان نا نرزور سلہہ بند فوج تینا سیم و الس نا رکھ و دشمن ءِ عبرت ناک شکست تننگ نا پبی لائخی تخک۔ دے انا رداٹ پاک فضائیہ نا اسہ دستہ اس پائلٹ آفیسر راشد منہاس شہید(نشانِ حیدر) نا قبر آ دعا پاتیا کرے و پھل آتا چادراس شاغا۔
