اسلام آباد۔ 07 ستمبر (اے پی پی) بنجائی وزیر بحری امور علی زیدی پارینے کہ سرکاری ملکیت آتا نیلامی آن حکومت ءِ وام تا زرتس اٹ آسانی مریک۔ اسلام آباد نا ہندی ہوٹل اٹ حکومتی ملکیت آتا نیلامی نا دود آن تران کرسا علی زیدی پارے کہ حکومت ناکاریم بزنس کننگ اف بلکن بزنس فرینڈلی چاگڑد اس تننگ نا ءِ، حکومت نا 10 آن 15 درسد سرکاری ادارہ کٹیا ٹی ءُ ایلوفک نسخان تتون مون تننگ ءُ۔ پاکستان اٹی پبلک سیکٹر نا بینک آتا مہالو حالیت پین ئس ولے پوسکن آ انتظامیہ نا سوب آن داسہ او کٹیا ٹی ءُ۔ علی زیدی پارے کہ پی ایس ڈی پی بجٹ زیات تر وام تا بنداوآ جوڑ کننگ انگ ءِ، انت کہ شونداری کاریم اس مننگ ءِ وام ہلسا کننگک۔ اوپارے کہ وزیراعظم عمران خان نا کماشی ٹی ملکی گچینی کن کاریم مننگ ءِ، اکانومی نا پہیہ چلینگانے۔ اوپارے کہ سمندر کنارہ 4 ہزار ایکڑ رقبہ غا تدوک آ 50 سال آن ایف بی آر و کراچی پورٹ ٹرسٹ انا نیام اٹ جھگڑا چلینگ انگ ءِ ، ادارہ غاتا نیام اٹ جھگڑہ غاک داسہ بایدے چٹر۔ اوپارے کہ ادارہ غاتا گچینی کن ہراگام گیج آتے کننگ انگ ءِ او اسہ بندغ اسے نا جند اکن آخا بلکن ملک انا خیر خواہی کن ءِ انتئے کہ اینو ای وزارت بحری امور نا وزیر اُٹ تو پگہ پین اسٹ اس سیٹ آ مریک۔ اوپارے کہ وزارت آتا ملکیت آتا بابت کابینہ نا پارت آ غٹ کاریم تے کننگ انگ ءِ۔
