اسلام آباد۔ 07 ستمبر (اے پی پی) قومی اسمبلی نا27 می سیشن ءِ ری شیڈول کننگانے ہرانا رداٹ دیوان داسہ دوشنبے نادے آ 14 ستمبر آ پارلیمنٹ ہاؤس اٹی مریک۔ قومی اسمبلی سیکرٹریٹ نا کنڈآن جاری نوٹیفکیشن نا رداٹ دوشنبے نادے آ 7 ستمبر آ اڈ ہلوک آ قومی اسمبلی نا دیوان داسہ بروک آ دوشنبے نادے آ 14 ستمبر آمریک۔ وزیراعظم نا سلاہکار پارلیمانی امور ڈاکٹر بابر اعوان نا رداٹ دیوان نا شیڈول ءِ ملک اٹی نوکاپی حالیت و کمکی سرجز آتا سوب آن ری شیڈول کننگانے۔ قومی اسمبلی نا دیوان اٹی اہم کانود سازی تون اوار قومی اہمیت نا ایلو باندات آتیا شرہ کننگک۔

متعلقہ مضامینمصنف کی طرف سے مزید