اسلام آباد۔ 07 ستمبر (اے پی پی) وزیراعظم نا خصوصی کمکار سی ڈی اے امور علی نواز اعوان پارینے کہ اسلام آباد ءِ شونداری باندات آتا بابت بے مٹ ءُ شار اس جوڑ کینہ۔ داخیال آتا درشانی ءِ او سیکٹر آئی ایٹ ون اٹی السی کھلی کچہری نا وخت آ کرے۔ حلقہ این اے 53 اسلام آباد و ایب وکیب آن بروک آ الس تون خصوصی کمکار اوڑدہی کرے۔ حلقہ این اے 53 نا ویل و اوفتا ایسری و شونداری باندات آتیا سرجم گپ وتران کننگا۔ جتا علاقہ غاتیان بروک آ ڈل آک خصوصی کمکار علی نواز اعوان ءِ اسلام آباد نا ڈومیسائل ہولڈرآتیکن ملازمت آتیٹی 50 درسد کوٹہ نا منظوری آ مبارکبادی تس۔ داوخت آ خصوصی کمکار تینا گپ وتران اٹی الس ءِ باوری کرفے کہ اسلام آباد ءِ شونداری باندات آتا بابت بے مٹ ءُ شار اس جوڑ کینہ۔
