راولپنڈی۔ 6 ستمبر(اے پی پی) پاک اُرد ءِ سروک جنرل قمر جاوید باجوہ ءَ گوشت کہ پاکستان یک ایمن دوستیں ملک ات، بلے اگاں مئے سر ءَ جنگ بوت گڈا ما ڈھوک ءِ پسو ءَ سنگ ءَ گوں دیاں ایشی ءِ درشان ما بالاکوٹ ء، ناکامیں ارش ءِ پسو ءَ دات، مارا نا ایوک ءَ نوکیں وتاس آں چہ بیم دیگ بوت کنت ءُ ناں کہ دگہ دھمکی یے مارا ترسینت کنت، پاکستانی ارد سرجمیں ھاٹیگ ءِ گوما تیارانت ءُ انشاء اللہ دژمن ءِ کجام ھم حرکت ءِ پسو ءَ مھکمیں زور ءِ گوں دیگ ءَ تیار آں۔ سرجمیں دگنیا ءُ ھاسیں رنگ ءَ وتی پڑ ءَ ایمنی ءِ واھشت ایگ انت، اوگانستان ءَ ایمنی ءِ برجائی ءِ کوشست ءَ پاکستان ءِ ارزشتی ایں کرد ایشی یے سہرائیں درور ات، پدا ھم مئے ھمساھگیں ملک ہندوستان ءَ مدام اے رد ءَ شتلی وتی کتگ، ھاسیں رنگ ءَ مقبوضہ کشمیر ءِ ھاسیں بستار ءَ را ھلاس کنگ ءِ گیر کانودی گامگیج ءَ چہ پد پڑ ءِ ایمنی ءَ را یک رنگ ءِ پدا ترس ءُ بیم ءِ گوما نزیک کتگ۔ آ یک شمبے ءَ آ شہید آنی روچ ءِ موہ ءَ جی ایچ کیو ءَ ایوارڈ بھر ءُ بانگ کنگ ءِ مراگش ءَ گوں گشتانک دیان ءَ کت۔ پاک ارد ءِ ادارگ آئی ایس پی آر ءِ رد ءَ پاک ارد ءِ سروک جنرل قمر جاوید باجوہ ءَ گوشت کہ 6 ستمبر 1965 ءِ روچ مئے راجدپتر ءِ یک بے دروریں در ات۔ ایش ھما روچ انت کہ وھد ءِ راج ییکوئی، وطن ءَ گوں محبت ، قربانی ءُ دلیری ءِ بے کساسیں کسو جم بوتگ۔ پاکستانی راج ءِ واستہ شش ستمبر ایوک ءَ ایش روچ نہ انت بلکینگ ءَ مئے دلبڈی ءِ پجار ءِ ھم ۔ اے روچ 1948، 1965، 1975، کارگل ءِ جنگ ءُ ناشرکاری ءِ ھلاپ ءَ جنگ ءَ شہید بوھوک آنی یات ءَ برجم دارگ بیت۔ اے روچ مارا یات ءُ گیج ایت کہ ما زیک ھم وت ءَ چہ گیشتریں دژمن آناں شکست داتگ ءُ مرچی ھم دژمن ءِ ناپاکیں جزم ءَ را شکست دیگ ءِ واستہ ھمک ساھت تیار آں۔ مرچی ھم ما وتی آزاتی ءِ رکھینگ وتی ھون ءَ گوں کنگ ءَ آں۔ ھمے ھاترا مرچی ما وتی شہید ءُ غازی آنی بے مٹیں کار آناں یات کنگ ءُ ایشانی قربانی آناں توسیپ ءُ ستا پیش کنگ ءِ واستہ ادا یکجا آں۔ آئی ءَ گوشت کہ پاکستان ءِ جوڑیشتکار قائداعظم محمد علی جناح ءَ کشمیر ءَ را پاکستان ءِ مات رگ نامینتگ بوتگ۔ یات دارگ لوٹاں کہ آئی یے ھمک لبز مئے واستہ ارزشتی آں ءُ ایمان ءِ بھر آں۔ اے ھوالگ ءَ ما کجام ھم نرمی ءِ درشان ءَ نہ کناں۔ آئی ءَ گوشت کہ وھد ءَ مارا باز بر ءَ چکاس اتگ۔ ما ھمک رنگ ءَ وشنام بوتگ انت، پاکستان یک زندگیں گواچن ات۔ مئے ھون، مئے جوزگ، مئے کار ھمک جاھ ءَ ایشی ءِ گواہی ءُ شاھدی ءَ دینت۔
