اسلام آباد ۔ 06ستمبر(اے پی پی) وزیر ءِ توکی کار بریگیڈیئر (ر) اعجاز احمد شاہ ءَ 1965 ۓؐ جنگ ءَ شہید آناں توسیپ ءُ ستا پیش کنان ءَ گوشت کہ 6 ستمبر ءِ روچ دژمن ءِ گام آناں لگور کنگ ءَ پاکستان ءِ سلاھ بندیں ارد ءِ اپسرگ ءُ ورنا آنی دلیری، مزن بجگری ءَ را مدام یات کنگ بیت۔ پاکستان ءِ دیمپانی ءِ روچ ءِ موہ ءَ وتی ھاسیں کلوہ ءَ وزیر ءِ توکی کار ءَ سلاھ بندیں ارد آنی شہید آناں سلام پیش کنان ءَ گوشت کہ 1965 ءِ جنگ ءَ ماتیں وطن ءِ سیم سر آنی رکھینگ ءُ دیمپانی ءِ واستہ سلاھ بنددیں ارد ءِ شہید آں بے مٹیں قربانی آناں اچبر بے ھیال کنگ نہ بیت۔ اے روچ ءَ سلاھ بندیں ارد ءِ دلیری، جوزگ ، جزم ءُ مھکمی ءِ روچ ءِ رد ءَ پاکستان ءِ راجدپتر ءَ مدام یات کنگ بیت۔ آئی ءَ گوشت کہ 6 ستمبر 1965 ءَ مئے دلیریں ارد ءَ دژمن ءِ جزم ءَ را ھاک ءُ گوں ملارینتگ۔ شہید آنی اے کربانی پاکستانی راج اچبر بے ھیال کت نہ کناں چیا کہ اے راج ءِ واستہ ازت ءُ پھر ءِ سبب انت۔ آئی ءَ گوشت کہ مرچی سرجمیں راج ستمبرر 1965 ءِ شہید آناں یات کنان ءَ ایشاناں توسیپ ءُ ستا پیش کنگ ءَ انت اے وڑ ءَ مارا اے کشمیری برات آناں بے ھیال کنگی نہ انت ھما گیر کانودی رنگ ءَ بھارت ءِ دست چیریں جموں کشمیر ءَ وتی پیدائیشی ھک ءِ وت واجئی ءِ جہد ءُ کوشست ءِ واستہ بھارت ءِ زوراکیں ارد ءِ ھلاپ ءَ جہد ءُ کوشست کنگ ءَ انت۔ آئی ءَ گوشت کہ مقبوضہ جموں کشمیر ءَ بھارت ءِ زوراکیں ارد ءِ نیمگ ءَ لگت مالی ءُ لُٹ ءُ پُل ءَ سرجمیں دگنیا ءِ دیم ءَ بھارت ءِ ناشرکاریں لکا ءَ را سہرا کتگ۔ آئی ءَ گوشت کہ مرچی ما اے جزم ءِ درشان ءَ کناں کہ پاکستان توامیں میاں اوستمانی فورم ءِ سر ءَ ھما وھد ءَ تاں وتی کشمیر برات ءُ گہار آنی گوانک ءَ سہرا کنت تاں وھد ءِ جائزیں ھک آواں مہ رس انت۔
