اسلام آباد ۔ 06ستمبر(اے پی پی) یک شمبے ءَ سرجمیں ملک ءَ دیمپانی ءِ روچ ءُ شہید آنی یات ءَ برجم داشتگیں روچ جوش ءُ جوزگ ءِ گوما برجم دارگ بوت۔ روچ ءِ بندات مسیت آنی تہ ءَ ملک ءِ سلاتمی ءُ برجائی ءِ واستہ ھاسیں دعا آنی گوما بندات کنگ بوت۔ پاک فضائیہ ءِ ورنا آں گارڈ ءِ ڈیوٹی دات وھدیکہ جنرل ہیڈ کوارٹر راولپنڈی ءَ بنجاھی مراگش ءِ برجم دارگ بوت ایشی ءِ تہ ءَ آرمی چیف جنرل قمر جاوید باجوہ ءَ پُل آنی چادر پر دات۔ اے روچ ءِ درگت ءَ صدر ءِ مملکت ، مزن وزیر چئیرمین ءُ ڈپٹی چیئرمین سینیٹ، راجی اسمبلی ءِ سپیکر ءُ ڈپٹی سپیکر ءُ سر وزیر آں ھوار سیاسی بامرد آں ھاسیں کلوہ شنگ ءُ تالان کت۔ ھال تاک آنی تہ ءَ دیمپانی ءِ روچ ءِ درگت ءَ ھاسیں ایڈیشن ھم شنگ ءُ تالان کنگ بوت ایشانی تہ ءَ ماتیں وطن ءِ رکھینگ ءُ سلامتی ءِ واستہ قربانی پیش کنوکیں شہید ءُ غازی آناں آناں توسیپ ءُ ستا پیش کنگ بوت۔ الیکٹرانک ءُ پرنٹ میڈیا ءِ سر ءَ ھاسیں پروگرام شنگ ءُ تالان کنگ بوھگ ءَ انت۔ یوم ءِ دیمپانی ءِ موہ ءَ ملکی دیمپانی ءِ واستہ جان آنی قربانی پیش کنوک آناں نشان حیدرر گروکیں شہید آنی قبر آنی سر ءَ پُل آنی چادر چیر گیتک۔ دیمپانی ءِ روچ ءِ رد ءَ روچ ءِ بندات بنجاھی دارالحکومت ءَ 31 وھدیکہ صوبگ آنی تہ ءَ 21 ٹوپ جنگ ءُ سلامی دیگ بوت۔
