راولپنڈی۔ ۔ 6 ستمبر (اے پی پی) پاک اُرد ءِ جنرل ھیڈ کوارٹر (جی ایچ کیو) راولپنڈی ءَ داد بھر ءُ بانگ کنگ ءِ واستہ ھاسیں مراگش ءِ بست ءُ بند کنگ بوت۔ اے موہ ءِ سر ءَ پاک اُرد ءِ سروک جنرل قمر جاوید ھاسیں مہمان ءِ بستار ءَ ساڑی ات۔ آئی ءَ آپریشنز ءُ جتا جتائیں کاروائی آنی ساھت ءَ دلیری ءِ درشان کنوکیں ورنا آناں داد بھر ءُ بانگ کت۔ پاک اُرد ءِ شوبگ یکوئی (آئی ایس پی آر) ءِ رد ءَ مراگش ءَ شہید / غازی آنی گس ءِ مردم، کلانہ ایں اپسرگ ءُ ورنا آنی ٹوھیں مردم ءِ ساڑی اتنت۔ 40 اپسرگ آناں ستارہ امتیاز نام ءِ داد (ملٹری) ، 24 اپسرگ/ سپاہی آناں بسالات ءُ یک اُردی ورنا ءَ اقوام متحدہ (یو این) میڈل دیگ بوت۔ شہید آناں میڈلز آوانی گسے مردم آں دست گپت انت۔
