ھاسیں کمکار برائے پٹرولیم ندیم بابر ءَ اسپیکر راجی اسمبلی اسد قیصر ءَ گوں گند ءُ نند، کانود جوڑیشت، ملک ءِ ھواریں معاشی جاور ھال ءُ وت مہ وتی واھگی کار آنی سر ءَ ھیال ریچی کنگ بوت

اسلام آباد ۔ 4 ستمبر (اے پی پی) مزن وزیر ءِ ھاسیں کمکار برائے پٹرولیم ندیم بابر ءَ اسپیکر راجی اسمبلی اسد قیصر ءَ آدینگ ءِ روچ ءَ گند ءُ نند کت۔ گند ءُ نند ءَ کانود جوڑیشت، ملک ءِ ھواریں معاشی جاور ھال ءُ وت مہ وتی واھگی کار آنی سر ءَ ھیال ریچی کنگ بوت۔ اے موہ ءِ سر ءَ تران کنان ءَ اسپیکر اسد قیصر ءَ گوشت کہ ملکی دیمروئی ءِ راز پارلیمنٹ ءِ مھکمی ءَ انت، پارلیمان الس ءِ نماھندگ ءُ کارگس انت ءُ ملکی جیڈھ آنی گیواری ءِ واستہ اے رنگیں پارلیشی سہرا کت کنت ایش ملک ءُ راج ءِ دراج بُریں سیت ءِ واستہ انت۔ آئی ءَ گوشت کہ راجی اسمبلی ءَ توامیں سیاسی گل راجی ارزشت ءِ بستار کرزیں جیڈھ آنی ھوالگ ءَ پت ءُ یک مشت انت۔ آئی ءَ گوشت کہ آئی یے مدام ھمے کوشست بوتگ کہ ایوان ءِ توک ءَ استیں توامیں گل آناں ایوان ءَ ھیال آنی درشانی ءِ ھمکچ ءُ بروبریں موہ پجاری کنگ بہ بیت ءُ توامیں جیڈھ آناں سول ءُ تران ءِ سر ءَ گیوار کنگ بہ بیت۔