اسلام آباد ۔ 4 ستمبر (اے پی پی) بنجاھی وزیر برائے کشمیری کار گلگت بلتستان علی امین خان گنڈا پور ءَ گوریچانی وزیرستان ءَ پاک اُرد ءِ اپسرگ لیفٹیننٹ ناصر حسین ءُ ورنا آنی شہید بوھگ ءِ پد ءَ گرانیں ڈکھ ءُ اندوھ ءِ درشان کنان ءَ گوشت ک سیکورٹی فورسز آنی اپسرگ ءُ ورنا ملک ءِ حفاظت ءِ واستہ وتی جان آناں ندر کنگ ءَ انت، سیکورٹی فورسز ءِ کارندہ یک نیمگ ءَ بارڈر ءُ ایل او سی ءِ سر ئَ پاکستان ءِ دشمن آنی گوما دلیری ءَ مڈ انت مقابلہ کنگ ءَ انت گڈا دومی نیمگ ئَ ملک ءِ اندر ءَ ناشرکار آنی ھلاسی ءِ واستہ کوشست کنگ ءَ انت۔ اے ھیالانی درشانی آئی ءَ وتی یک بیانے ءِ تہ ءَ کت۔ آئی ءَ گوشت کہ شہید لیفٹیننٹ ناصر حسین یک شہیدیں پسے ءِ زھگ انت، مرچیں سرجمیں پاکستان ءُ کشمیری راج شہیدیں زھگ ءِ مات ءَ را سلام پیش کنت آئی ءَ وتی ملک ءِ رکھینگ ءِ ھاترا وتی لوگ واجہ ءُ زھگ ءَ چہ زبھر بوتگ۔ علی امین گنڈا پور ءَ گوشت کہ سرجمیں پاکستانی راجی وتی سیکورٹی ادارگ آنی اپسرگ ءُ ورنا آناں توسیپ ءُ ستا پیش کنت انت۔
