کوئٹہ، سریاب روڈ آ بمب دھماکہ، 3 بندغ ٹھپی

کوئٹہ۔ 04 ستمبر (اے پی پی) کوئٹہ نا علاقہ سریاب روڈ نا خڑک آ بمب دھماکہ، 3 بندغ ٹھپی، پولیس نا رداٹ جمعہ نادے آ سریاب ناعلاقہ ٹی دھماکہ مس ہراٹی مسہ بندغ ٹھپی مسر، پولیس فورس ءِ حوال ملنگ تون موقع غا سرمرسا ٹھپی تے دمدستی وڑاٹ ہسپتال آ گدریفیر، ہراڑے اوفتے طبی امداد تننگ انگ ءِ۔ ٹھپی مروک آتیٹی زبیر احمد، مقبول احمد، صورت خان اوار ءُ، بمب ڈسپوزل اسکواڈ ءِ ہم بٹنگ انگانے۔ دھماکہ غان پد واقعہ نا جاگہ غا ساڑی موٹرسائیکل آک خاخر ہلکر، فائر بریگیڈ نا گاڈیک خاخر ءِ کسفنگ نا کارروائی نا بناءِ کریر۔ ریسکیو ادارہ غاتا کارندہ غاک امدادی سرجز آتا بناءِ کریر۔ سیکورٹی فورس آک موقع غا سرمرسا علاقہ ءِ گھیڑاٹی ہلکر، پولیس مستی جاست وپاست کننگ ءِ۔