بے پورو اسکیم آتے اسہ تُو انا تہہ ٹی پورو کننگے شونداری کاریم تا آب آ ہچ ءُ سمجھوتہ اس کننگپک، وزیراعلیٰ بلوچستان انسپکشن ٹیم انا باسک محمد قاسم مینگل

کوئٹہ۔ 04 ستمبر (اے پی پی) وزیراعلیٰ بلوچستان انسپکشن ٹیم انا باسک محمد قاسم مینگل و محمد خالد سرپرہ نال انا دورہ ءِ کریر و چندی شونداری ڈٹ آتا معائنہ، السی فائدہ غاتا اجتماعی اسکیم تا وخت آ پوروی ءِ پک کننگ نا پارت کریر، اوفک پین پرمان کرسا پاریر کہ بے پورو اسکیم آتے اسہ تُو انا تہہ ٹی پورو کننگے شونداری کاریم تا آب آ ہچ ءُ سمجھوتہ اس کننگپک، وزیراعلیٰ بلوچستان و چیف سیکرٹری نا خصوصی پارت آتیا جاری شونداری اسکیم آتا معائنہ ءِ کننگ ءُ، آفیسر آک شونداری ڈٹ آتے تینا چاروکی ٹی پورو کرفر۔ داخیال آتا درشانی ءِ اوفک تحصیل نال اٹی ہڑمبوآن نال ودکی روڈ سٹی ہسپتال نال سیوریج نال بازار آن فیکرٹری ندی پرائمری اسکول و واٹر سپلائی اسکیم و فیروز آباد اٹی اربن ڈویلپمنٹ چندی واٹر سپلائی اسکیم تا معائنہ نا وخت آ کریر۔داوخت آ ایکسین سی اینڈ ڈبلیو بلڈنگ محمد فاروق مینگل ایکسین اربن ڈویلپمنٹ منیر احمد مینگل اسسٹنٹ انجینئر لوکل گورنمنٹ عبدالواحد بلوچ ایس ڈی او سی اینڈ ڈبلیو بلڈنگ لیاقت علی ایس ڈی او سی اینڈ ڈبلیو سجاد احمد چھٹہ ایس ڈی او اربن ڈویلپمنٹ خضدار محمد عثمان خواجہ خیل ایس ڈی اوپی ایچ ای خضدار مقبول احمد بلوچ، انجینئر اعجاز احمد انجینئر عبدالوہاب لہڑی و ایلوفک اوفتے تون اوار ئسر۔ ایس ڈی او سی اینڈ ڈبلیو روڈ خضدار سجاد احمد چھٹہ حوال اٹی پارے کہ آرسی ڈی روڈ ہڑنبو تانال روڈ 66 کروڑ روپئی نا بھلو زر اسے آن پورو کننگانے ایکسین بلڈنگ خضدار فاروق احمد مینگل دورہ نال سٹی ہسپتال نا وخت آ حوال اٹی پارے کہ 2 سد 70 ملین نا خڑچ آن نال سٹی ہسپتال اٹی کاریم پوروی نا آخریکو مرحلہ غاتیٹی ءِ، ایکسین اربن ڈویلپمنٹ منیر احمد مینگل حوال اٹی پارے کہ فیروز آباد گریشہ و خضدار شار اٹی آبنوشی نا 24 اسکیم 6 کروڑ روپئی نا بھلو زر اسے آن پورو کننگانے ہراڑآن الس ءِ کُننگ کن ساف دیر فراوان کننگ ءِ، وزیراعلیٰ بلوچستان انسپیکشن ٹیم انا باسک آک پاریر کہ وزیراعلیٰ بلوچستان و چیف سیکرٹری نا پارت آتے مون آ تخسا ضلع خضدار اٹی برجاشونداری اسکیم تا معائنہ ءِ کننگ اُن ہراڑے کہ شونداری اسکیم تیٹی ہیب اس خننگا تو اونا برخلاف محکمانہ کارروائی کننگک بے پورو اسکیم آتے اسہ تُو اٹی پورو کننگ نا سختی اٹ پارت کننگاکہ تعلقدار آفیسر شونداری کاریم تے تینا چاروکی ٹی آب انا رداٹ پورو کیر اسہ تُو آن پد بے پورو اسکیم آتا دورہ ءِ کینہ اسہ اسکیم اس بے پورو مننگ نا حالیت اٹ تعلقدار محکمہ نا ضلعی سروک زموار مریک۔