کہ ملک دشمنک تینا آقا تے خوش کننگ کن سیکورٹی فورس آتے شست کننگ ءُ داوڑنا چم آتیان فورس آتا حوصلہ ءِ شیف خلنگ مفک، پاکستان تحریک انصاف نا صوبائی راہشون حمزہ خان ناصر

کوئٹہ۔ 04 ستمبر (اے پی پی) پاکستان تحریک انصاف نا صوبائی راہشون حمزہ خان ناصر قطبی وزیرستان اٹی بارودی سرنگ دھماکہ ٹی لیفٹیننٹ تون اوار 3 سیکورٹی کارندہ آتا شہادت و چندی تا ٹھپی مننگ آ است ہسونی نا درشانی ءِ کرسا پارینے کہ ملک انا دفاع و دہشت گردی نا چٹفنگ کن قربانی تروک آ شہید آتا دتر زیان مفک۔ داڑے جاری مروک آ اسہ بیان اسے ٹی حمزہ خان ناصر قطبی وزیرستان اٹی مروک آ دھماکہ ٹی لیفٹیننٹ ناصر حسین خالد و ایلو کارندہ غاتا شہید و ٹھپی مننگ آ است ہسونی نا درشانی ءِ کرسا پارے کہ ملک دشمنک تینا آقا تے خوش کننگ کن سیکورٹی فورس آتے شست کننگ ءُ داوڑنا چم آتیان فورس آتا حوصلہ ءِ شیف خلنگ مفک۔ اوپارے کہ دہشت گردی نا برخلاف جنگ اٹ تینا جان تے ندر کروک آ سیکورٹی کارندہ غاک ننا پیشانی نا ٹک آک ءُ ہرافتا قربانیک زیان مفسہ ۔ اوپارے کہ پاک فوج و ایلو سیکورٹی فورس آک دہشت گرد آتا مخ انا ملی ءِ پرغانوگڑاس سلوک دہشت گرد تینا ناپاک مسخت آتیکن سیکورٹی فورس و کودک شاری تے شست کننگ ءُ ہرافتے ہم زوت چٹفنگک۔ اوبارودی سرنگ دھماکہ ٹی شہید مروک آ لیفٹیننٹ ناصر حسین و ایلو کارندہ غاتا خاہوت آتون ہڑزخواہی و ٹھپی تا زوت دراخ جوڑی کن دعا کرے۔