یوم پاکستان ننے تینا نرزور گل زادہ غاتا بے مٹ قربانی، دلیری و جیرت نا یات ترفک و زندہ انگا قومک تینا قومی تہوار تے جم و جوش اٹ اڈایترہ، ) بلوچستان عوامی پارٹی نا مرکزی راہشون و مسکوہی قومی اسمبلی نا باسک خلیل جارج

کوئٹہ۔ 04 ستمبر(اے پی پی) بلوچستان عوامی پارٹی نا مرکزی راہشون و مسکوہی قومی اسمبلی نا باسک خلیل جارج پارینے کہ بی اے پی یوم دفاع ءِ جم و جوش اٹ اڈایتک یوم دفاع نا بابت پارٹی نا کنڈآن اینو(ہفتہ) نا دے آ ریلی اس کشنگک۔ اوداہیت ءِ جمعہ نادے آ یوم دفاع نا بابت کشوک آ ریلی نا تیاری تا جاچ ءِ ہلنگ کن اڈ ہلوک آ دیوان آن تران کرساپارے۔ خلیل جارج پارے کہ یوم پاکستان ننے تینا نرزور گل زادہ غاتا بے مٹ قربانی، دلیری و جیرت نا یات ترفک و زندہ انگا قومک تینا قومی تہوار تے جم و جوش اٹ اڈایترہ نن یوم دفاع نا وخت آ پاکستانی الس و فوج اتون اوار ادارہ غاتے سلام پیش کینہ ہرافک ہر مشکل وخت اٹی تینا کلیدی کڑد ءِ ادا کرسا ملک و قوم ءِ دشمن نا ناپاک عزم و چم آتے بے سہب کریر۔ اوپارے کہ بلوچستان عوامی پارٹی یوم دفاع ءِ جم وجوش اٹ اڈ ایتک و اینو دا چرجوئی ٹی پیشیم نا سہ بجہ غا گرلز کالج کوئٹہ کینٹ آن اسہ ریلی اس کشنگک ہرا چندی شاہراہ تیان مرسا پریس کلب آ سرمریک ہراڑے پارٹی نا مرکزی و صوبائی راہشونک ریلی نا بشخ ہلوک آتیان تران کیرہ۔