اسلام آباد۔ 04 ستمبر (اے پی پی) وزیراعظم نا خصوصی کمکار سیاسی ابلاغ ڈاکٹر شہباز گل پارینے کہ سی پیک اتھارٹی نا چیئرمین لیفٹیننٹ جنرل (ر) عاصم سلیم باجوہ تینا میرات آتا بابت میڈیا نا سوج آتا ورندی ءِ تس و ہرسوج انا ورندی ءِ تننگ کن تیار ءِ۔ جمعہ نادے آ تینا ٹویٹ اٹی اوپارے کہ لیفٹیننٹ جنرل (ر) عاصم سلیم باجوہ وزیراعظم نا خصوصی کمکار حوالکاری و شینکاری نا عہدہ غان استیفہ ءِ ہم پیش کرینے۔ ڈاکٹر شہباز گل پارے کہ داعمران خان نا حکومت ءِ ہراٹی ملک انا تاریخ اٹی اولیکو وار وزیراعظم نا خصوصی کمکار تینا میرات آتے پاش کرے۔ مستین اٹ ملک ءِ پلوک آتا حکومت آک اسہ ہیت اسے نا ہم ورندی ءِ تتنو۔

متعلقہ مضامینمصنف کی طرف سے مزید