ایشیائی دیمروئی بینک ءِ منصوبگ پاکستان ءِ دیمروئی ایجنڈا ءِ ارزشتی ایں بھر انت، دیمروئی منصوبگ آنی مول ءُ مراد الس ءَ را بنیاتی آسراتی ءِ پجاری انت، وزیر مخدوم خسرو بختیار ءِ پاکستان ءَ ایشائی دیمروئی بینک ءِ منصوبگ آنی چار ءُ تپاسی گرگ ءِ واستہ دیوان ءَ گوں گشتانک

اسلام آباد ۔ 3 ستمبر (اے پی پی) اقتصادی کار آنی بنجاھی وزیر مخدوم خسرو بختیار ءَ گوشت کہ ایشیائی دیمروئی بینک ءِ منصوبگ پاکستان ءِ دیمروئی ایجنڈا آنی ارزشتی ایں بھر انت۔ آئی ءَ اے گپ پنچ شمبے ءِ روچ ءَ ادا پاکستان ءَ اییشائی دیمروئی بینک ءِ منصوبگ آنی چار ءُ تپاسی ءِ واستہ برجم داشتگیں دو روچی دیوان ءِ سروکی ءَ کنان ءَ کت۔ دیوان ءَ وزارت ءِ اقتصادی کار ءَ برجم دارگ بوت ایشی ءِ تہ ءَ ایشیائی دیمروئی بینک ءِ پاکستان ءَ جاڑیگیں منصوبگ آنی چار ءُ تپاسی گرگ بوت۔ دیوان ءَ ایشیا دیمروئی بینک ءِ پاکستان ءَ کنٹری ڈائریکٹر، ڈپٹی چیئرمین پلاننگ کمیشن ءُ چاریں صوبگ آنی سیادی داروکیں ادارگ آنی سروک آں بھر زوری کت۔ دیوان ءِ شریکیں مردم آناں صوبگ آنی تہ ءَ ایشیائی دیمروئی بینک ءِ جاڑیگیں منصوبگ آنی ھوالگ ءَ بریفنگ دیگ بوت۔