اسلام آباد ۔ 3 ستمبر (اے پی پی) مزن وزیر ءِ مشیر برائے ھزانگ ڈاکٹر عبدالحفیظ شیخ ءَ نہ وشیں جاور آں چہ رکھگ ءِ واستہ چاگرد ءِ سکیں گریب ءُ ھمزورکیں تبک ءِ مردم آنی چار ءُ گزار ءِ رد ءَ گریبی ھلاسی ڈویژن ءِ کوشست آناں ساڑاتگ ءُ گوشت کہ نگدیں کمک ءِ دومی قسط ءِ واستہ کفالت پروگرام، ایمرجنسی کیش پروگرام ءُ بینک سروس چارج ءِ رد ءَ پکوئیں لوٹ کتگیں فنڈز آنی سرجمیں اھوال پجاری ءِ رد ءَ فنانس ڈویژن چاگردی رکھینگ ءُ بزگر آںی ھلاسی ڈویژن ءَ را توامیں استیں کمک پجاری کنت انت۔ آئی ءَ اے گپ مزن وزیر ءِ ھاسیں کمکار برائے چاگردی رکھینگ ءُ گریبی ءِ ھلاسی ڈاکٹر ثانیہ نشتر ءِ ھمبراھی ءَ پنچ شمبے ءِ روچ ءَ ادا وزارت ءِ ھزانگ ءَ کوویڈ 19 ءِ ھوالگ ءَ احساس کیش کمکی پیکج ءِ دومی قسط جاڑی کنگ ءِ تیاری ءِ ھوالگ ءَ دیوان ءَ یکجائی سروکی ءَ کنان ءَ کت۔ ڈاکٹر ثانیہ نشتر ءَ ڈاکٹر عبدالحفیظ شیخ ءَ را گوشت کہ پروگرام ءِ اولی بھر ءَ یک لکھ 46 ہزار ھاندان ءَ را بے نظیر انکم سپورٹ پروگرام ءِ چیر دستی ءَ 12 ہزار کلدار یک ھاندان 175 ارب کلدار بھر ءُ بانگ کنگ بوت۔ آئی ءَ گوشت کہ مزن وزیر عمران خان ءِ پنت ءُ شونگ ءِ رد ءَ دومی بھر ءَ اے مردم آناں گیش نگدی کمک پجاری کنگ بوھگ ءَ انت ھما کہ سک باز بزگر ءُ گریب انت۔
