اُرد حکومتی پالیشی آنی گوما ھمگام ءَ اوشتاتگ ءُ گوستیں حکومت آنی مقابلہ ءَ ارد ءِ گوما استیں حکومت ءِ جوانیں یکوئی است، کجام ھم ملک ءِ نیمگ ءَ اسرائیل ءَ را منگ ءَ چہ فلسطین ءِ جیڈھ ھلاس نہ بیت، مزن وزیر عمران خان ئِ الجزیرہ ءَ را گلگدار

اسلام آباد ۔ 3 ستمبر (اے پی پی) مزن وزیر عمران خان ءَ گوشت کہ اُرد حکومتی پالیشی آنی گوما ھمگام ءَ اوشتاتگ ءُ گوستگیں حکومت آنی رد ءَ اُرد ءِ گوما استیں حکومت ءِ جوانیں یکوئی است، کجام ھم ملک ءِ نیمگ ءَ اسرائیل ءَ را منگ ءَ چہ فلسطین ءِ جیڈھ ھلاس نہ بیت، اے جیڈھ ءِ گیواری وت اسرائیل ءِ سیت ءِ واستہ انت، پاکستان ءَ میڈیا سرجمیں رنگ ءَ آزات انت ادا حکومت ءُ وزیر آناں اے آسراتی گون نہ انت، اینکیاس کہ مئے حکوت ءِ ھلاپ ءَ میڈیا ءَ ایراد گپتگ گوستگیں حکومت آں اے رنگ نہ بوتگ، بازیں موہ آنی رد ءَ مئے ھلاپ ءَ میڈیا ءِ وسیلگ ءَ پروپیگنڈا کنگ بوتگ، مئے دو سالی دور ءُ باریگ ءَ حکومت ءَ درستاں چہ گیش مٹ ءُ بدلی ایش اتکگ کہ پاکستان ءَ ایلیٹ کلاس ءِ کیساسگری کنگ بوتگ آواناں اوشتاریگ ءُ پرس کنگ بوتگ، مئے حکومت ءِ زمانگ ءَ کرپشن ءِ ٹوھیں کیس دیم ءَ سہرا نہ بوتگ، جھلی تک ءَ کرپشن ءِ کسان کسانیں کیس است انت پدا ھم ایشی ءِ ھلاسی ءِ واستہ جہد ءُ کوشست کنگ لوٹ ایت۔ پنچ شمبے ءِ روچ ءَ در ملکی ٹیلی ویژن چینل الجزیرہ ءَ داتگیں گلگدار ءِ تہءَ مزن وزیر عمران خان ءَ گوشت کہ پاکستان چین ءُ امریکہ دوئین آنی گومان یکوئی است، پاکستان ءَ را کجاھم ھم کیمپ ءِ بھر بوھگ ءِ ضلورت نہ انت، ما ھمک ملک ءِ گوما یکوئی داشت کت نہ کناں۔ مزن وزیر ءَ گوشت کہ مئے آیوکیں باندات چین ءِ گوما بندوک انت ایش دگنیا ءَ کجام ھم دومی ملک ءِ رد ءَ گیشاں چہ گیش دیمروئی کنگ ءَ انت۔