وزیراعظم عمران خان نا کماشی ٹی نیشنل کوآرڈینیشن کمیٹی ہاؤسنگ، کنسٹرکشن اینڈ ڈویلپمنٹ نا ہفتہ وار دیوان

بھلا شار تا ماسٹر پلان ءِ اول سرآن مرتب کننگ نا عمل ءِ ترندکننگ، دا بارواٹ پیش رفت آ باقاعدگی اٹ اپ ڈیٹ کننگے، وزیراعظم نا پارت
اسلام آباد۔ 03 ستمبر(اے پی پی) وزیراعظم عمران خان نا کماشی ٹی نیشنل کوآرڈینیشن کمیٹی ہاؤسنگ، کنسٹرکشن اینڈ ڈویلپمنٹ نا ہفتہ وار دیوان پنچ شنبے نادے آ اڈ ہلک۔ دیوان اٹی وزیر حوالکاری سینیٹر شبلی فراز، خصوصی کمکار ملک امین اسلم، لیفٹیننٹ جنرل (ر) عاصم سلیم باجوہ، سید ذوالفقار عباس بخاری، ڈاکٹر شہباز گل، چیئرمین نیا پاکستان ہاؤسنگ اتھارٹی لیفٹیننٹ جنرل (ر) انور علی حیدر، گورنر اسٹیٹ بینک، چیئرمین ایف بی آر، تعلقدار محکمہ غاتا سیکرٹری صاحب آک و سینئر آفیسر آک ساڑی ئسر وخت اس کہ غٹ چیف سیکرٹری صاحب آک و آباد نا نمائندہ غاک ویڈیو لنک انا کمک اٹ دیوان اٹی بشخ ہلکر۔ صوبہ سندھ اٹی برجا تعمیراتی سرجزآتا بارواٹ دیوان ءِ پاننگاکہ 19 تعمیراتی ڈٹ آتا منظوری ءِ تننگانے ہراٹی 38 لکھ مربع فٹ رقبہ غا تعمیرات مریک۔ دا تعمیرات نا خڑچ 13.8 ارب روپئی ءِ و داٹی سی ارب نا زرگزرانی سرگرمی ودی مریک۔ دیوان اٹی ساڑی آباد نا نمائندہ غاک عارف حبیب، عقیل کریم ڈھیڈی و ایلوفک چندی نجی تعمیراتی کمپنی تا کنڈآن تعمیراتی ڈٹ، ہرافتے ٹی کم کٹیا کروک اُراتا تفنگ ہم اوار ءِ، نا بارواٹی وزیراعظم ءِ معلومدار کریر۔ نمائندہ غاک وزیراعظم نا جند انا است خواہی و حکومتی گام گیج آتا ستاءِ کرسا پاریر کہ بڑزکو کہولی کمیٹی نا جوڑ کننگ و وزیراعظم نا کنڈآن ہفتہ وار دیوان تیٹی پیش رفت نا جاچ اٹی تعمیراتی ڈٹ آتون تعلقدار مرحلہ بے کچ جوانی اٹ طے مننگ ءِ۔ وزیراعظم ءِ ملک انا بھلا شار(کراچی، لاہور و اسلام آباد) اٹی رجسٹرڈ مال گزاری(کیڈاسٹری) خاص وڑاٹ سرکاری ڈغار تے پوسکن آ بنداو تیا استوار کننگ و ڈیجیٹلائزیشن نا ڈٹ اٹ داتم اسکان نا پیش رفت آ حوال تننگا۔ چیئرمین ایف بی آر ایف بی آر اٹی تعمیرات نا بابت رجسٹرڈ ڈٹ و آئی آر ایس پورٹل نا کمک اٹ تعمیراتی بشخ اتون تعلقدار بندغ آتا کمکاری نا بابت حوال تس۔ صوبائی چیف سیکرٹری صاحبان بشمول چیف سیکرٹری گلگت بلتستان صوبہ غاتیٹی برجا تعمیراتی سرجز، منظور مروک ڈٹ، سجفوک آ ڈٹ و نظام ءِ آن لائن کننگ و داٹی انسانی نیام تمنگ ءِ کم آن کم کننگ نا بابت گام گیج آتیا وزیراعظم ءِ حوال تس۔ وزیراعظم غٹ چیف سیکرٹری صاحب و ڈویلپمنٹ اتھارٹیز نا سروک آتے پارت کرے کہ منظور مروک ہنکینی ڈٹ آتا معلومداری نا ڈویلپمنٹ اتھارٹی نا ویب سائٹ آتیا ساڑی گری و دامعلومداری تا ہڑدے ئی بنداو آ اپ ڈیشن ءِ پک کننگے تانکہ ہراڑے ہنکینی ڈٹ آتیٹی است خواہی ہلوک پیشن نا ملک پاکستانی تے پورو وڑاٹ باخبر تخنگے ہموڑے ہنکینی کالونی تا پن آ مروک آ فراڈ و درو ءِ چٹفنگ مرے۔ داڑتون اوار اوار غیر منظور مروک ڈٹ آتا بارواٹی معلومداری تا ہم باقاعدگی اٹ تشہیر کننگے تانکہ الس ءِ باخبر تخنگ مرے۔