اسلام آباد ۔ 3 ستمبر (اے پی پی) نیشنل کمانڈ اینڈ آپریشن سنٹر (این سی او سی) جان ءُ سلامتی ءِ راھبندانی منارینگ ءَ را الم کنگ ءِ ھاترءَ سرپدی مہم چلائینگ ءِ ھاترءَ وانگ ءُ زانگ ءِ ادارگاناں حکمت عملی کنگ ءِ زور پِرداتگ۔ پنچ شمبے ءِ روچءَ این سی او سی ءِ نیشنل کوآرڈینیٹرز ءِ سروکی ءَ دیوان ءَ وانگ ءُ زانگ ءِ پڑءَ را پچ کنگ ءِ انوگیں عمل ءِ چارءُ تپاسی کنگ بوتگ۔ دیوان ءَ کورونا وائرس شنگ بوہگ ءَ نودربر ءُ وانگ ءُ زانگ ءِ پڑ ءِ نقصان ءِ ہوالگ ءَ ھیال ءُ لیکہ ءِ درشانی کنگ بوتگ۔ فورم ءَ را حال دیئگ بوتگ کہ وانگ جاہ ءُ ایندگہ وانگ زانگی ادارگاں پچ کنگ ءِہوالگ ءَ مات ءُ پت، نودربر، انتظامیہ ءُ وانگ جاہ ءِ چِن ءُ لانچاں سرپدی ودی کنگ ءِ ھاترءَ میڈیا مہم بندات کنگ ءِ سرءَ دلگوشی کنگ بوہگ ءَ اِنت۔ دیوان ءَ وانگ ءُزانگ ءِ پڑ ءِ یک رندے پدا پچ کنگ ءِ ہوالگ ءَ سرپدی ودی کنگ ءِ ھاترءَ حال ءُ اھیوال کاری ءُ شنگکاری ءِ شور ءُ صلہ ءَ چہ کتگیں گامگیجانی چارءُ تپاسی ہم کنگ بوتگ۔ اسکول آں پچ کنگ ءَ چہ پیسر ایس او پیز، سوشل میڈیا مہم، میڈیا ءَ اشتہارات، پی ٹی اے ءَ را ہوار کنگ ءُ ایس ایم ایس سروس ءِ بنداتی، ایف ایم ریڈیو مہم ءُ حاسیں کلوہ بندات کنگ بنت۔ تعلیمی پڑ ءِ بندات ءَ چہ پیسر سوشل میڈیا مہم ءِ اثرمندیں مہم ءِ ہوالگ ءَ شونست ءِ وہد ءَ حال دیئگ بوتگ کہ وانگ ءُ زانگ ءِ بنجاہی وزیر ءَ ہوار وانگ ءُ زانگ ءِ صوبائی وزیر ءِ حاسیں کلوہ ہم ریکارڈ کنگ بنت۔ کلوہ ایس او پیز ءِ ہوالگ ءَ بنت کہ وانگ جاہ ءِ انتظامیہ، زاھگ ءُ مات ءُ پِت وانگ جاہ پچ بوہگ ءَ اے گامگیجاں کناں۔ اے مہم ءَ سرکاری ءُ نجی ادارگاں ہوار درائیں پڑآنی سرءَ حاسیں دلگوشی دیئگ بیت۔ ایشی ءِ تہ ءَ ماسک، دست شودگ، زھگاناں یکے دومی ءَ دوری، وانگ جاہ ءِ انتظام ءُ وانگ جاہ ءِ ھاترءَ ٹرانسپورٹ ءِہوالگ ءَ راھبند ہوار بنت۔
