فرانسیسی میگزین چارلی ہیبڈو ءِ نہ وشیں اکس شنگ کنگ ءِ سبب ءَ کروڑانی مسلمان آنی دلرنجی بوتگ، حکومت پاکسکتان ءَ فرانسیسی حکومت ءَ را وتی نہ وشی آنی ھوالگ ءَ سرپد کتگ، آزاتی ءَ گوں وتی لیکہ ءِ درشان ءِ مول ءُ مراد ایش نہ انت کہ دومی مردم آناں دلرنجی ءِ لائسنس بہ بیت، وزیر ءِ درئی کار مخدوم شاہ محمود قریشی

اسلام آباد ۔ 3 ستمبر (اے پی پی) وزیر ءِ درئی کار مخدوم شاہ محود قریشسی ءَ اسلاموفوبیا ءِ گیش بوھوکیں نہ وشیں جیڈھ آنی بابت ءَ ھیال آنی درشان ءَ کنان ءَ فرانسیسی میگزین چارلی ہیبڈو ءَ گوں مزمت ءِ درشان کتگ ءُ گوشت کہ نہ وشیں اکس آنی شنگ ءُ تالانی ءَ چہ کروڑانی مسلمان آنی دلرنجی بوتگ۔ پنچ شمبے ءِ روچ ءَ یک وڈیو کلوہہ ءَ وزیر ءِ درئی کار ءَ گوشت کہ من وتی نیمگ ءَ چہ ءُ حکومت ءِ پاکستان ءِ نیمگ ءَ فرانسیسی میگزین چارلی ہیبڈو، ءَ گوں مزمت ءِ درشان ءَ کناں۔ آئی یے شنگ ءُ تالان کتگیں اکس آنی سبب ءَ کروڑانی ملسمان آنی جوزگ ءُ واھشت لگت مال بوتگ انت۔ آئی ءَ گوشت کہ من چارگ ءَ آں کہ اسلام فوبیا، ءُ زینو فوبیا ءِ جیڈھ گیش بوھان انت۔ آئی ءَ گوشت کہ پاکستنان ءَ ھمک فورم ءِ سر ءَ اے جیڈھ ءَ را سہرا کتگ۔ مزن وزیر عمران خان ءَ اقوام متحدہ ءِ جنرل اسمبلی ءِ دیوان ءَ گشتانک دیان ءَ اے جیڈھ ءَ را سہرا کتگ ءُ دگنیا ءَ را لوٹ کتگ کہ اے جھیڈھ ءَ را گر ءُ دار کنگ بہ بیت۔