اسلام آباد ۔ 3 ستمبر (اے پی پی) اسلام آباد ءِ ضلعی انتظامیہ ءَ ڈینگی تپ ءِ بیم ءِ رد ءَ توامیں ہسپتال آں چہ رپوٹ گوانگ جتگ۔ اے ھوالگ ئَ ڈپٹی کمشنر اسلام آباد حمزہ شفقات ءِ سروکی ءَ دیوان بوت۔ اے موہ ءِ سر ءَ انتظامیہ ءِ ایندگر کارندہ آں بھر زوری کت۔ دیوان ءَ ڈینگی ءِ ھوالگ ءَ آماچیں مریض آنی ھوالگ ءَ گپ ءُ تران کنگ بوت اسلام آباد ءَ ھمک روچ چینکیاس ڈینگی ءِ آماچ بوھگ ءَ انت۔ ھمک روچ ءِ بنیات ءَ مریض آنی ڈیٹا رد ءُ بند کنگ بہ بیت۔ توامیں ہسپتال اے رد ءَ چوہدری مصطفیٰ ءَ گوں نزیکی بکن انت۔ دیوان ءَ پیسلہ کنگ بوت کہ ہسپتال ءِ کارندہ آنی کرا موبائل فون بوھگ لوٹ ایت۔ ہسپتال ءَ پوسٹیں کمپیوٹر آپریٹرز آناں نیٹ ءِ آسراتی دیگ بہ بیت۔ توامیں کارندہ ڈینگی ایپ انسٹال بکن انت ءُ مریض آنی ڈیٹا ءَ شیئر کنگ بہ بیت۔
