پاکستان ءُ نیپال ءِ منیام ءَ سیاسی سول ءُ تران ءِ چارمی دیوان ءِ کامیاتیں بنگیج، رابطہ آنی دیمروئی ءَ سہرا کنت
اسلام آباد ۔ 03ستمبر(اے پی پی) وزیر ءِ درئی کار مخدوم شاہ محمود قریشی ءَ گوشت کہ پاکستان ، نیپال ءِ گوما وتی دو نیمگی یکوئی آناں ھاسیں ارزشت دنت انت۔ اے گپ آئی ءَ پاکستان ءَ نیپال ءِ سفیر سیوالمسال ادھیکاری ئَ گوں گپ ءُ تران کنان ءَ کت آئی ءَ پنچ شمبے ءِ روچ ءَ وزارت ءِ درئی کار ءَ آئی ءَ گوں گڈی گند ءُ نند ءَ کت۔ گند ءُ نند ءِ ساھت ءَ دو نیمگی یکوئی، دمگی جاور ھال ءَ ھوار وت مہ وتی واھگی کار آنی سر ءَ ھیال ریچی کنگ بوت۔ وزیر ءِ درئی کار ءَ گوشت کہ پاکستان ، نیپال ءِ گوما وتی دو نیمگی یکوئی آناں ھاسیں ارزشت دنت انت۔ آئی ءَ گوشت کہ پاکستان ءُ نیپال ءِ نیام ءَ سیاسی سول ءُ تران ءِ چارمی دیوان ءِ کامیاتیں بنگیج ، رابطہ آنی دیمروئی ءَ سہرا کنت۔ پاکستان ءُ نیپال ءِ نیام ءَ دو نیمگی تجارت ءِ دیمروئی ءِ ھوالگ ءَ ھم تران کنگ بوت۔ وزیر ءِ درئی کار ءَ گوشت کہ نیپالی وزیر ءِ درئی کار ءِ زوت تر ءُ تاب ءِ وداریگ آں۔ وزیر ءِ درئی کار ءَ پاکستان ءُ نیپال ءِ نیام ءَ دو نیمگی یکوئی آناں دیمروئی ءِ واستہ نیپالی سفیر ءِ ازمت آناں ساڑات۔ وزیر ءِ درئی کار ءَ نیپالی سفیر سیوالمسال ادھیکاری ءَ را آیوکیں وھد ءِ زمہ واری آنی واستہ نیکیں واھگ ءُ واھشت آنی درشان کت۔
