اسلام آباد ۔ 03ستمبر(اے پی پی) میاں اوستمانی مالیاتی فنڈ (آئی ایم ایف) ءَ گوشت کہ لاک ڈائون ءِ سبب ءَ گوزوکیں سال ءِ دومی سئے ماھ آنی تہ ءَ گروپ 20 ءِ باسکیں ملک آنی تہ ءَ ھواریں راجی پیداوار ءِ تہ ءَ راجپتری ریکاٹیں کمی گندگ بوتگ، پدا ھم چین ءِ ھواریں راجی پیداوار ءِ دومی سئے ماھ ءِ ساھت ءَ 12.3 درسد گیشی بوتگ۔ اے گپ میاں اوستمانی مالیاتی فنڈ ءِ چیف اکانومسٹ گیتاگوپی ناتھ ءَ پنچ شممبے ءِ روچ ءَ دومی سئے ماھی گروپ 20 ملک آںی مالیاتی ھساب ءُ داد جاڑی کنان ءَ گوشت۔ آءی ءَ گوشت کہ اولی سئے ماھ آنی وڑ ءَ دومی سئے ماھ آنی تہ ءَ گروپ 20 ءِ باسکیں ملک آنی جی ڈی پی ءَ کمی ءِ رچ جاڑی بوتگ۔ دومی سئے ماھ آنی تہ ءَ امریکہ ءِ جی ڈی پی ءَ 9.1 کمی بوتگ، روس ءَ 809 کمی، جاپان ءَ 7.8 ، زرباری کورونا ءَ 3.2 کمی، بھارت ءَ 6.9، فرانس ءَ 13.8، کینیڈا ءَ 11.5 ، اٹلی ءَ 12.8، سپین ءَ 18.5 کمی، برازیل ءَ 907 کمی، برطانیہ ءَ 20.5 کمی ءُ آسٹریلیا ءَ ھواریں راجی پیداوار آنی تہ ءَ کمی 7 درسد کمی ریکاٹ کنگ بوتگ۔ آئی ءَ گوشت کہ دومی سئے ماھ آنی تہ ءَ چین ءِ معیشت ءَ جوانیں برجائی ءِ درشان کتگ ءُ آھودا ھواریں راجی پیداوار ءِ تہ ءَ 12 درسد گیشی ریکاٹ کنگ بوتگ۔ آئی ءَ گوشت کہ گوزوکیں سال ءِ ساھت ءَ گروپ 20 ءَ ھوار سرجمیں دگنیا ءِ گیشتریں ملک آنی ھواریں راجی پیداوار ءِ تہ ءَ کمی ءِ رچ جاڑی دارگ بیت۔
