بنجاھی وزیر مخدوم خسرو بختیار ءِ سروکی ءَ ایشیائی دیمروئی بینک ءِ جتا جتائیں منصوبگ آنی بابت ءَ چار ءُ تپاسی دیوان، توان ، رسانک ، ایف بی آر ءُ ایندگر شوبگ آنی جاڑیگیں منصوبگ آنی سر ءَ بریفنگ دیگ بوت

اسلام آباد ۔ 2 ستمبر (اے پی پی) بنجاھی وزیر اقتصادی کار مخدوم خسرو بختیار ءَ توامیں سیادی داروکیں ایشیائی دیمروئی بینک ءِ منصوبگ ءِ سر ءَ کار آنی گام آناں گیش ترند کنگ ءِ پنت ءُ شونگ کت۔ اے پنت ءُ شون آئی ءَ پاکستان ءَ ایشیائی دیمروئی بینک ءِ جتا جتائیں منصوبگ آنی چار ءُ تپاسی دیوان ءِ سروکی ءَ کنان ءَ کت۔ دو روچی دیوان وزارت ءِ اقتصادی کار ءِ تہ ءَ برجم دارگ بوت۔ دیوان ءَ پاکستان ءَ ایشیائی دیمروئی بینک ءِ کنٹری ہیڈ، ڈپٹی چئیرمین پلاننگ کمیشن ءُ سیادی داروکیں وزارت آنی کلانہ ایں اپسرگ آں بھر زوری کت۔