اسلام آباد۔ 02 ستمبر (اے پی پی) صدر مملکت ڈاکٹر عارف علوی اسٹیٹ لائف ءِ ملتان نا ہنکینی و پی ٹی سی ٹیچر ولی محمد نا جنوزان ءِ گروپ انشورنس کٹیا ادا کننگ نا پارت کرسا پارینے کہ داہیت شرمندئی اسے کہ اسہ جنوزان اسے 115000روپئی نا چنکو زر اسے نا خاطر 14 سال انا انتظار و مشقت کروئی تما۔ چارشنبے نادے آ ایوان صدر آن جاری بیان نا رداٹ صدر مملکت زرتس اٹی تاخیر آ گڑتی نا درشانی ءِ کرسا اسٹیٹ لائف نا درخواست ءِ مسترد کرے و پارت کرے کہ اسٹیٹ لائف 30 دے انا تہہ ٹی جنوزان ءِ کٹیا ادا کننگے۔ صدر مملکت ڈاکٹر عارف علوی اسٹیٹ لائف ءِ باندات ءِ مُرغن کننگ نا زموار آتا تعین ءِ کننگ کن انکوائری کننگ و 3 تُو اٹی رپورٹ ءِ بنجائی محتسب ءِ پیش کننگ نا پارت کرے۔ ولی محمد نا جنوزان انشورنس کلیم نا زرتس اکن بنجائی محتسب ءِ درخواست تسوسس۔ بنجائی محتسب اسٹیٹ لائف انشورنس ءِ کٹیا نا ادائیگی نا پرمان کریسس۔ اسٹیٹ لائف انشورنس کارپوریشن بنجائی محتسب نا فیصلہ نا برخلاف صدر مملکت نا مون آ درخواست دائر کریسس۔
