ادارہ نا کارکڑد انا بارواٹ حوال تس
اسلام آباد۔ 02 ستمبر (اے پی پی) پاکستان بیت المال نا منیجنگ ڈائریکٹر عون عباس پبی اسپیکر قومی اسمبلی اسد قیصر تون اوڑدہی کرے۔ اوڑدہی ٹی ایم ڈی بیت المال اسپیکر ءِ حقدار بندغ آتا راجی آسراتی کن پاکستان بیت المال نا کارکڑد نا بارواٹی حوال تس۔ اسپیکر نیزگار ناجوڑ آتا درمان نا مفت آسراتی فراوان کننگ و سویٹ ہوم تیٹی چوری آ چناتے آسراتی فراوان کننگ نا بابت پاکستان بیت المال نا کڑد انا ستاءِ کرے۔ اسپیکر اسد قیصر حکومت نا نزور بندغ آتا کمک نا وژن نا ستاءِ کرسا پارے کہ اسلامی آسرات ریاست نا کمک اٹ ننے پاکستان اٹ انسانیت نا نظام ءِ اتنگ نا ءِ ہراٹی نیزگار آتے بریبر حق ریاست نا زمواری مرے۔ اوپارے کہ حکومت نا نیزگار و نزور تپہ غاتے بڑزااتنگ نا کوشست ستاکڑزک۔
