لاہور۔ 02 ستمبر (اے پی پی) وزیر جان جوڑی پنجاب ڈاکٹر یاسمین راشد نا کماشی ٹی چارشنبے نادے آ فاطمہ جناح میڈیکل یونیورسٹی نا بیست می دیوان اڈ ہلک ہراٹی اسپیشل سیکرٹری محکمہ سپیشلائزڈ ہیلتھ کیئر اینڈ میڈیکل ایجوکیشن سلوت سعید، وائس چانسلر پروفیسر ڈاکٹر عامر زمان خان، پرووائس چانسلر پروفیسر ڈاکٹر شیریں خاور، رجسٹرار منیزہ قیوم، ایم ایس گنگارام ہسپتال ڈاکٹر احتشام، باسک پنجاب اسمبلی و چندی محکمہ غاتا اآفیسر آک بطور سینڈیکیٹ باسک بشخ ہلکر۔ رجسٹرار سینیڈیکیٹ دیوان اٹی ایجنڈا نا مندرجات پیش کرے۔ صوبائی وزیر جان جوڑی ڈاکٹر یاسمین راشد سینڈیکیٹ نوزدہ می دیوان نا فیصلہ غاتے پک کرے۔ اودیوان اٹی ایسوسی ایٹ پروفیسر آف نیفرالوجی نا ایڈ ہاک بنداو تیا بھرتی نا منظوری ءِ تس۔ سینڈیکیٹ دیوان اٹی چندی ملازم آتا ٹائم اسکیل پروموشن نا ہم منظوری ءِ تننگا، فاطمہ جناح میڈیکل یونیورسٹی نا 12 ملازم آتا ایڈ ہاک بنداو تیا دُوارہ بھرتی نا منظوری و فاطمہ جناح میڈیکل یونیورسٹی ٹی کانود نارداٹ خورک سیٹ آتیا پوسکن بھرتی کننگ نا منظوری ءِ ہم تننگا۔ دیوان اٹی گنگا رام ہسپتال و مزنگ ٹیچنگ ہسپتال اٹی جاری شونداری ڈٹ آتیا حوال تننگا۔ دیوان اٹی فاطمہ جناح میڈیکل یونیورسٹی کن مالی سال 2020-21ء نا ایچ ای سی بجٹ نا منظوری ءِ ہم تننگا۔ سینڈیکیٹ دیوان اٹی مدر اینڈ چائلڈ ہسپتال گنگارام نا سول ورک انا پیش رفت انا سرجم آتے پیش کننگا۔ دیوان اٹی گنگارام ہسپتال اٹی سال 2019-20 ء کن آب اٹ ماسک و سرجیکل ماسک این۔ 95 ماسک آتا ہلنگ کن کنٹریکٹ نا ہم منظوری آن بیدس خراج کنسلٹنٹ نا بھرتی نا منظوری ءِ ہم تننگا۔ سینڈیکیٹ دیوان اٹی گورنمنٹ مزنگ ٹیچنگ ہسپتال نا سیکورٹی و سفائی ستھرائی کن سال 2020-21کن کنٹریکٹ نا موکل تننگانے۔ صوبائی وزیر جان جوڑی ڈاکٹر یاسمین راشد مدر اینڈ چائلڈ ہسپتال نا تفنگ نا بابت پروجیکٹ ڈائریکٹر و چیف انجینئر ءِ آب آ سمجھوتہ کپننگ نا پارت کرے۔ اوپارے کہ مدر اینڈ چائلڈ ہسپتال گنگارام نا باقاعدہ تھرڈ پارٹی اویلیویشن کرفنگک، مچ آ صوبہ ٹی جوڑ مروک آ ہفت مدر اینڈ چائلڈ ہسپتال آتا تینٹ چاروکی ءِ کننگ ءِ، پنجاب نا شعبہ جان جوڑی نا شونداری اسکیم تیٹی آب و شفافیت ءِ سد درسد پک کننگ انگ ءِ۔
