اسلام آباد۔ 02 ستمبر (اے پی پی) وزیراعظم نا خصوصی کمکار سیاسی ابلاغ ڈاکٹر شہباز گل پارینے کہ پاکستان اسٹاک مارکیٹ ایشیاء نا گچین مارکیٹ جوڑ مس ہرا وزیراعظم عمران خان آ و اونا پالیسی تیا پت انا درشانی ءِ۔ چارشنبے نادے آ اسہ ٹویٹ اسے ٹی اوپارے کہ انشاء اللہ داسہ پاکستان شونداری نا مزل آتے طے کیک۔ اوپارے کہ اسہ پین جوان ءُ خبراس دادے کہ افراط زر اٹی نمان کمتی آن کبینی ٹی کمتی بننگ ءِ۔ ڈاکٹر شہباز گل پارے کہ کیپٹن غریب آتاسوچک، ہرپالیسی ءِ غریب اکن سجفسا جوڑ کننگک و داسہ دا پالیسی تا مثبت اثرنظر بننگ ءِ۔
