چین و پاکستان اٹی کشاری کمکاری ٹی ٹیکنالوجی، مصنوعات آتا پروسیسنگ، واپار و بنداوی پنجر نا تفنگ اٹ بے پناہ گمان ساڑی ءِ، چینی وزارت کشت وکشار

اسلام آباد۔ 02 ستمبر (اے پی پی) چین وپاکستان ہڑتوم آ کنڈآتا کشاری کمکاری ءِ پین سوگو کیرہ۔ چین نا وزارت کشت وکشار و دیہی امور نا رداٹ اونا کنڈآن کروک آ اسہ سروے اسے ٹی پارے کہ چین پاکستان ہڑتوم آ کنڈآتا کشاری کمکاری ٹی ٹیکنالوجی، مصنوعات آتا پروسیسنگ، واپار و بنداوی پنجر نا تفنگ اٹ بے پناہ گمان ارے۔ داہم پاننگ انگ ءِ کہ ہڑتوم آ ملک آتا نیام اٹ قدرتی وسیلہ غاتا فراوانی ہم بنداوی وڑاٹ سی پیک نا رداٹ ہڑتوم آ کنڈآتا کشاری کمکاری ءِ پین مون آ دننگ اٹ کمکار مریک۔ داپٹ وپول اٹ ہڑتوم آ ملک آتے کشاری مصنوعات آتا آب و پیدوار اٹی گچینی اتنگ کن اسیجائی پٹ وپول کننگ نا سلاہ تننگانے۔