اسلام آباد۔ 01 ستمبر (اے پی پی) نیشنل کمانڈ اینڈ آُپریشن سینٹر (این سی او سی) ٹی دیوان اس اڈ ہلک ہراٹی فیصلہ کننگاکہ کورونا ٹیسٹنگ نا کچ ءِ ودفنگ، زہمی بندغ آتا رابطہ نا پدرند ءِ خلنگ کن این سی او سی نا ٹیم بلوچستان نا دورہ ءِ کیک۔ سے شنبے نادے آ این سی او سی نا رداٹ ٹیسٹ، ٹریس اینڈ کوآرانٹائن(ٹی ٹی کیو) ٹیم بلوچستان اٹی کورونا وائرس نا ٹیسٹنگ و رابطہ نا پدرند ءِ خلنگ کن بلوچستان نا دورہ ءِ کننگ والاءِ۔ این سی اوسی نا دیوان اٹی کوروناوائرس نا گمان و ٹی ٹی کیو ٹیم نا بلوچستان نا دورہ نا بابت تشخیص و اپ ڈیٹ نا بابت گرج آ گپ وتران کننگا۔ فورم ءِ حوال تننگاکہ ٹیم کم ٹیسٹنگ و زہمی بندغ آتا رابطہ نا پیدواری نا بابت باندات آتیا خصوصی چکار کننگک۔ فورم ءِ داہم پاننگاکہ ٹی ٹی کیو ٹیم صوبائی انتظامیہ تون کورونا دین انا بابت ہیت وگپ کیک تانکہ دا دینی مرض انا مقابلہ ءِ کننگ مرے۔ ولے ٹیم جان جوڑی نا لیبارٹری تا ہم دورہ ءِ کیک و زہمی ناجوڑ آتونن رابطہ کروک آ ٹیم آتون ہم اوڑدہی کیک۔ فورم چندی ملک آتیٹی ملنگوک آ اسکول و داڑآن کورونا نا تالان مننگ نا بابت زہم آتا بارواٹ ہم ساڑی حالیت آتا جاچ ءِ ہلک۔ داہم نوٹ کننگاکہ ناجوڑی نا تالانی نا زہم آتا جاچ ءِ ہلنگ کن ڈیٹاءِ یکجا کننگ انگ ءِ۔ بنجائی وزیر داخلہ بریگیڈیئر(ر) اعجاز احمد شاہ، وزیراعظم نا خصوصی کمکار جان جوڑی ڈاکٹر فیصل سلطان و ایلوفک دیوان اٹی بشخ ہلکر۔

متعلقہ مضامینمصنف کی طرف سے مزید