کوویڈ۔ 19 نا دین انا سوب آن جہانی کہول آ کمکاری نا کمتی آن کم کٹیا کروک پدتموک آ ملک آتیٹی شونداری نا عمل زہمی مننگ کیک، آئی ایم ایف

اسلام آباد۔ 31 اگست (اے پی پی) کوویڈ۔ 19 نا دین انا سوب آن کم کٹیا کروک آ پدتموک ملک آتا (ایل آئی ڈی سی ایس) نا زرگزرانی شرح نمو زہمی مننگ کیک، جہانی کہول آ اوفتا کمکاری نا کمتی آن شونداری نا عمل زہمی مننگ کیک۔ جہانی مالیاتی فنڈ (آئی ایم ایف) تینا اسہ بلاگ اسے ٹی پارینے کہ کوویڈ۔ 19 نا سوب آن ایل آئی ڈی سی ایس نا اقتصادی شرح نمو نا زہمی مننگ اٹی دا ملک آتیٹی نیزگاری نا چٹفنگ کن کروک آ دہائی تیان برجا کوشست آک بھاز بے وڑ زہمی مننگ کیرہ۔ آئی ایم ایف پارے کہ کوویڈ۔ 19 نا تنکی نا سوب آن مچ آ دنیا و خاص وڑاٹ کم کٹیا کروک پدتموک ملک آتا زرگزرانک بھاز بے وڑ زہمی مسنو و پدتموک ملک آتے سخت حالیت آتا مون تروک ءِ۔ جہانی مالیاتی فنڈ مستی پارے کہ کم کٹیا کروک پدتموک ملک آتے نئے بیرہ پیشن نا ویل آتا مون تروک ءِ بلکن وائرس نا تالانی ءِ توننگ کن کروک آ لاک ڈاؤن پین پین نا گام گیج آتیان اوفتا زرگزرانک زہمی مننگ ءُ و ہنداوڑ کچ اٹنگا وسیلہ و نزور ادارہ غاتا سوب آن ایل آئی ڈی سی ایس نا حکومت آتے قومی زرگزران نا کمکاری ٹی ہم ویل آتا مون تروک ءِ۔ آئی ایم ایف پارے کہ کم کٹیا کروک پدتموک ملک آتے داتنکی حالیت آتیان کشنگ کن جہانی کہول آ کمکاری نا کمتی ٹی دا ملک آتیٹی نیزگاری نا چٹفنگ کن کروک آ کوشست آک زہمی مننگ کیرہ۔